黃師傅

我的百萬大道： 1999年開始投資股票，當時只係得2800 同地鉄，後來科網股爆破，最後輸錢離場。 2001 - 2003 老熊當道，買股票當交學費，因為怕輸兼人工低，出出入入買了不少股票。工業股當時得令，福田實業係我至愛。 2003 沙士前後：眾人皆醉我獨醒，入了不太受沙士影響的中移動 (當時17 元，未到廿皮已走人......) ，當炒的中國製藥和精電。 2003 後沙士：國企估值偏低，狂炒H 股，年底前帳面賺一倍。大家仲記唔記得鞍鋼只係兩皮唔夠的股票? 2004 - 2005 ：中資股牛皮期，開始走去買基金，2005 年底入的黃金基金仍在手，當時黃金係400 元牛皮。在垃圾堆中找到理文造紙 (2314)，入市價6 元。 大家用懷疑眼光看我。自此對它不離不棄。中資股和本地股不停出出入入，比經紀開飯。 2006 ：中資股開始發力。投資組合和投機組合漸漸成形。繼續買基金，實行分散投資 2007 ：中資股發狂的一年。又在垃圾堆中找到香港興業 (480) ，當時冇人睇好。入市價4皮。理文造紙漲了4倍。另跟住阿爺國策買了一D受惠股份作投資組合。投機組合繼續業績不濟，似乎我唔係識炒股票之人。 買入黃金、澳元、中東基金 2008 係咪股市泡沬爆破的時候?