salanghata

一個對知識永無止境地追求既大學生. 我要努力成為碩士生. 話說有個正在學緊中文既外國人，有一日來到Yahoo知識-，佢問左一個問題： "What is the meaning of the Chinese word "關羽" ? Please answer in Chinese." 幾個鐘頭之後佢返來睇下有冇人回答佢個問題，咁佢就見到有以下四個回答： 回答者甲係一個中國歷史學家咁佢就從互聯網上抄左段野落來： 關 帝 即 三 國 時 蜀 國 的 關 公 ， 姓 關 名 羽 ， 字 雲 長 ， 蒲 州 解 良 人 ( 今 屬 陝 西 省 解 虞 縣 ) 。 傳 稱 ， 關羽 是 青 龍 轉 世 ， 豎 眼 攢 眉.......... ..........段野大約有成千幾個字，咁個外國人當然無睇哂就跳落下一個啦。 回答者乙係一個江湖好漢中既知識份子而佢既回答係： 關羽，又名關二哥，係一個重情重義既江湖英雄。一般出來行既都會拜佢，而我.............講左一大堆野，咁個外國人由於睇唔得明所以又跳落下一個啦。 回答者丙係一個岩岩路過既細路覺得"關羽"個名有Ｄ熟悉所以有以下既回答： 關羽是晚晚七點鐘出現響明珠台果個紅色面既外國人呀嘛。(咁個外國人越睇就越唔明，希望下一個會清楚Ｄ啦) 回答者丁原來都係一個學緊中文既外國人所以佢就好比心機咁回答： 關羽 : 關字響中文文法上係一個動詞(verb)，英文係(close) 羽字響中文文法上係一個名詞(noun), 英文係(feather) 所以關羽是解作：關起羽毛或者把羽毛關起來既意思。 最後個外國人當然自選左回答者丁做最佳回答。而佢既發問者平價會係：解釋得好清楚，THX. 以上故事純屬攪笑。