siu fai

阿B黎左了 , 打後日子會好忙 , 可能會小左在這裡同網友交流 , 人生新一頁開始 , 既興奮又大壓力 , 希望阿B同太太健健康康啦 , 祝各位投資得心應手 . 曾經聽過一個故事幾發人心醒 , 係度分享一下 有一天 , 有個騎士 , 騎住一匹用左一生血汗錢買回來的駿馬 , 趕上京考狀元 , 去到一條河邊佢停左落黎 , 因為人生路唔熟 , 佢唔知條河有幾深 , 佢隻馬過唔過到去 , 此時佢見到有個小朋友係河邊玩 , 於是就問佢 : 喂 ! 細路你係咪住呢頭架 ? (細路答佢話) : 係呀 , 我出世住到而家7歲 lu~ ,- 咁你知唔知條河有幾深呀 ? 我隻馬過唔過到呢 ? (騎士問) , 細路諗都唔使諗就答佢 : 一定過到啦 ! (細路好似好有信心), 你隻馬對腳咁長 ! 請放心 ..... 騎士聽見細路咁講就放晒心 , 於是策馬揚鞭 , 一推連人帶馬跳入河中 , 諗住過河 , 誰不知 , 一落左河 , 條河深不見底 , 隻馬就一路沉左落去浸死左 , 佢自己就好狼狽咁緊緊俾佢爬左上岸 , 差的浸死 佢. 上左岸佢就好鬼死慶 , 一手捉住細路黎鬧 : - --你你想害死我牙? , 又話條河唔係好深0既 , 我隻馬一定過到 , 而家我成副身家買翻黎隻馬又浸死左 , 差的連我都浸死埋 , 你咩居心呀細路 ? 細路俾佢鬧到喊 , 好鬼委屈咁講 : -- 我點知 wo~ , 你睇下果邊隻鴨仔 , 對腳咁短 , 落左河都無事 , 你隻馬對腳咁長 , 我諗住應該過到家0麻 , 人家想幫你 , 你仲鬧人 , 衰到死.... 午餐無免費 , 錢係自己辛辛苦苦賺翻黎 , 只有你自己先會緊張 , 只有自己先知你自己投資目標 , 問人係好 , 但要問0岩人 , 亂聽意見入市(包括本人意見) , 蝕清光無人可憐 證監會 ***************** 講得好 -- 先求知 . 再投資 --*******