choi

點解改個 "鬼見愁" 咁唔好聽嘅名呢? 因為有兩個偶像: 第一個偶像就係打NBA 邁阿密熱火中鋒---阿朗素莫寧. (唔知點解綽號:鬼見愁) 佢好靚仔呀, (當然後生時重靚啲), 而且極有男人味, 打球又厲害, 封籃皇嚟呀, (封籃好難而且作用被普遍低估), 性格又似我添(嘻嘻). 佢患咗腎病以後, 本來可以退休照收人工, (因為球會有保險), 但佢都堅持, 而且落力到有高峰期七成功力咁滯. 打波時又投入好認真, 所以有時球場內同人打交, (但打嘅都係抵打嘅人啦, 而且好過其他球星鍾意酒吧爭女先打交丫). 兩次入選dream team, 一次其他都係啲 (o靚仔), 叫到佢都無推搪, 期間咁啱老婆生仔, 飛返美國陪產完又繼續比賽. 所以一個字: MAN, 佢係我心目中真正完美嘅男人. 第二個偶像就係 香港電影鉅星---周星馳 別樹一格, 所謂無厘頭, 其實極有厘頭. 我連啲電影對白都記得晒. 啲電影番睇完又番睇, 睇極都係要笑. 睇多幾次, 未到已經諗起笑定先. 佢有套戲入面嘅對白(要用急促的語氣去講): "...我嘅綽號係情場浪子鬼見愁..."