yiulee

希望大家享受分享知識的樂趣︰ 3. 關於求職，十分肯定講一句，讀書 = 高學歷 = 工作好 = 有錢並不是叫你向錢看，但你唔讀書就肯定一世捱窮，牽連後果就是老婆睇唔起你，成日家嘈屋閉，老闆唔升你職，你做10年都係亞四，新請返黎的新人分分鐘人工高過你。 4. 以前一間公司越多人越好，而家唔同喇，一間部門如果人多，個head就有壓力要cut人，如果佢唔cut，佢嘅老闆就會cut佢﹗因為有好多工作已經電腦化同自動化，跟本無需要咁多人手。所以低技術將來係好難找工作做，即刻可以要靠綜援，成世捱窮﹗ 5. 好多人想做股票經紀同分析員，呢兩種職業都冇前途喇。你買股票都用網上銀行喇，你買股票最多都係睇報紙分析，係咪？小型經紀行將會被淘汰。 6. 係香港，學好英文=有人請，奉勸各位學生補習又好，自己上英語會話班又好，都要學好英文，如果唔係，都係死路一條。 7. 千祈唔好講李嘉誠白手興家的奇蹟，以前人人低學歷，你唔讀書都有大把人陪，而家幾多人十個A，幾多人係外國讀完書返嚟，香港每年都輸入數以萬計內地專才，佢地嘅生命力唔係講少，又識英文，又肯人工低。唔好咁天真話我唔讀書都有機會好似李嘉誠咁。