用戶11956

因為鍾意動物, 已經養過大大少少既不同種類動物包括貓, 狗, 龜, 魚, 倉鼠, 雀仔甚至蜥蝪, 養唔同既動物都有唔同既樂趣, 但最愛始終都係貓 & 狗 : ) 我多數用自己以往既經驗加自己睇番黎既知識黎答問題, 唔敢講一定 work, 但希望為愛貓狗既朋友盡少少力~ 我都唔係太記得 06 年幾多月開始玩 yahoo 知識, 但係由我開始到而家我所答既問題入面有 9 成都係關於狗狗, 因為狗係我自己最熟悉既動物, 所以我有信心去解答, 可以肯定全部答案都唔係是但亂黎或靠估, 係真係不論幾多分既每條問題都比個心去答, 只係希望憑自己既經驗同心得會幫倒養狗經驗唔多既朋友, 唔好再發生因為主人唔識而將只係有皮膚病既狗狗人道毀滅呢類事件 (我聽倒之後真係成個心實哂, 唔開心左好耐.... 點解個主人唔搵多 d 資料? 點解咁輕易就決定致狗狗於死地???), 但係我呢兩個月發現, 有人日日利用呢個一心想幫人既平台黎幫自己賣廣告, 我真係非常睇唔過眼, 原因唔止係佢濫用左呢個地方, 佢仲會扮哂熱心咁同人講" 我邊隻狗又試過咁既情形呀, 之後去呢個網 (咪即係佢個網囉) 度買左乜乜物物就好番哂啦~ 唔好去獸醫度呀, 獸醫麻醉隻狗分分鐘會死架...." 誤導本身已經係一個大錯誤, 對 d 狗狗已經病緊既主人作出誤導就更加可惡, 狗狗需要既只係睇醫生, 唔係你果 d 咩咩效果顯著既神奇補品!!! 我一直都覺得, 呢個人同寶藥黨/祁福黨冇分別, 都係利用人緊張自己所愛既心去賺錢, 所以我對佢異常反感!!! 貓狗爸媽們, 記得保持清醒呀!