內心成日好唔舒服...

我認為你吾需要特別去改變,毎一個人都吾係十全十美架嘛,何況你無係人地面前發脾

氣,人地都吾會特別甘去串你,可能有人會當笑話甘笑,但衰D講句,有邊個無瘀過?自己

個心一定吾舒服架喇,始終樣衰嘛,但我認為無必要REPLAY甘諗,你REPLAY得越多,

米只會令自己個心更加吾舒服,你無得罪人,人地都吾會無啦啦唔中意你既,同埋你有

FD架嘛,同D FD開心甘一齊米得,吾洗理其他人架,我吾知甘樣講岩吾岩你,不過當係

比多一個意見你啦=]

多用耳朵聽, 少參與別人閒話中的討論,
多做點或多接觸些自己喜愛或興趣的事情,
好像聽歌, 運動, 有興趣的活動,
又或者多接觸能夠與自己交心的朋友,
至於那些同學....就可免則免

你可以當聽過就算 再唔係就唔好埋戈d人堆.
你覺得瘀都係一時既姐 過一段時間就唔記得架啦
件事過左番唔到轉頭 replay都無用 米當笑話鬧戲一場囉

字裡行間都感覺到你同身邊的人相處覺得不快愉快。
你會覺得自己有時做D事會影響其他人點睇你, 甚至會轉出去, 或者排斥你, 令到你好困擾。
有時其他人點睇你未必係最重要,
到底你點睇你自己呢????

如果你將自信心建立於他們的口...
咁你會一直都好在意其他人對你的評價...
但如果你睇到自己的優點~~甚而了解到佢地傳言並不是事實~
你慢慢就會明白「不好理」的意思~
就是清者自清。

以上文字不是要分清誰對誰錯,
而是...有時我地未必可以控制其他人的行為及想法~
但就可以控制自己的行為及想法。
如果你繼續有這個想法, 會對你有什麼影響????

希望你早日找到方向, 一切順利
祝福你

一世會遇到既瘀事多不勝數
如果每次都記住,咁咪好辛苦
不如放寬心
下次再遇到
就深呼吸一下對自己講
冇所謂,咪比人開心下囉~

唔好為左迎合人地而改變自己
哩班朋友唔啱傾
搵過另一班
去教會,社區中心識下唔同既人

希望幫到你~
做人認真係好事
但樣樣都咁認真咁上心會好辛苦
做人最緊要開心~~

其實瘀事成日都會發生,不過發生多D 慢慢就會唔多介意
唔好理係一種方法,但都唔多得, 你可以轉下個諗法,我都好憎D人一全十,十全百咁傳出去.
但有時候諗下,其實喱D係一種回憶,同你周圍既朋友既共同回憶,好珍貴,而且年齡唔算大,多一D喱D回憶冇話唔好,將來好少機會可以好似宜加咁。
而且性格唔一定要改,每個人都係獨特架,當然改做好既就唔一樣講法,但冇需要為身邊既人改變,如果個個都改到同身邊既人一樣,人類就慘啦~

做左ｄ瘀覺得無地自容係好容易理解嘅事，試問有邊個未試過？重要嘅係你點睇自己做左瘀事同你點睇人地對你做左瘀事嘅評價。

我地其實好容易受身邊人影響，人地一句說話已經可以改變我地嘅想法或者行為。善意嘅提醒建議可以振納然後作出反省改善，但係惡意中傷嘅說話大可不必理會，雖然聽到會有難受。總會有人同意同反對你，我地冇辦法控制別人嘅說話，我地能夠做嘅只有調整心態去面對。無必要為左一小撮人而唔開心或者改變自己。做返自己已經好足夠。

唔好再唔開心啦！！