nokia c6-01 邊到有得買+價錢

題主，星期一去下晝睇過，回答如下：


1) nokia c6-01 黃大仙邊到有得買?我見得好小電器鋪有
　喺「龍翔中心」近地鐵站出口嗰間「鐳射」，同埋「黃大仙中心」向住「黃大仙社區中心」嗰門口對面嗰間電器舖（唔記得太清楚個名，好似叫做「生活電器」），都有得賣行貨 Nokia C6-01。

2) nokia c6-01 邊到買會平D?
　喺黃大仙地鐵站附近就搵唔倒，可能要去到鑽石山地鐵站「荷里活廣場」（3樓近戲院），或者要去到新蒲崗「越秀廣場」（地舖，「越秀廣場」喺伍華小學望過去彩虹道對面），兩間舖都標價大約 HK$2,4xx，睇落都係行貨。
　不過，問過喺「荷里活廣場」嗰間舖嘅 Sales，佢話間舖賣緊嘅 C6-01 係行貨，不過係「台機」，但係又唔同一般嘅「台機」咁，可以憑買機單拎返 Nokia 做保養整機，而係要將部機放喺間舖度，等佢哋拎返 Nokia 度整。我認為咁樣唔係咁正常，所以唔係好建議喺「荷里活廣場」嗰間舖度買。
　至於喺「越秀廣場」嗰間就唔太清楚，閣下如果有閒可以去問問。
（「台機」即係上台 join plan 出機嗰啲手機。以 Nokia 嚟講，係可以憑買機單，拎返 Nokia 做保養整機）

3) nokia c6-01 E家賣幾錢?
　Nokia 自己嘅銷售店或者客服中心而加賣緊 HK$2,698。
　啲大型連鎖店（好似「鐳射」、「百老匯」、「豐澤」、「中原」（「百老匯」、「豐澤」、「中原」喺上面講嗰間「荷里活廣場」嘅舖搭落一層扶手電梯附近）呢啲咁），或者啲手機台（好似 PCCW、People、one2free、1010 呢啲咁，當然係講淨賣機，唔係上台），或者好似上面講嗰間「黃大仙中心」嘅舖，而加都係大約賣緊 HK$2,688（行貨）。


（由於真係唔係太熟啲手機台嘅 plan，所以只係講淨買機，冇講到 join plan 上台買機，請見諒）



**希望對題主有幫助，並請唔好移除問題**
**上面嘅回答總算係我用過心嚟做嘅，請唔好抄襲同拷貝，多謝**

2011-05-13 19:43:23 補充：
題主，上面已經講過，Nokia C6-01 最新（即係而加）嘅行貨價係 HK$2,698（喺 Nokia 自己嘅客服中心同埋銷售店度買）同埋 HK$2,688（喺好似「百老匯」、「豐澤」、「衛訊」、「中原」、「鐳射」呢啲大型連店度買）。

2011-05-18 19:32:18 補充：
多謝題主揀選我嘅回答！

推薦一個手機設備網站http://www.digital-price.net裏面品種全，價格平。各式諾基亞手機都有，去看看吧。