旺角去蒲崗村道體育館

題主，閣下講得啱，喺旺角「先達廣場」側邊花園街有架紅 Van，車頭個牌寫住「慈雲山」，車費 HK$7.5，架車滿客部開車。呢架就可以去到「蒲崗村道體育館」。

閣下可以搭呢架紅 Van，搭到過咗「黃大仙警署」轉左行上一段路，再過咗行人天橋底之後叫「『蒲崗村道體育館』有落」，或者直頭上車就話畀司機聽話要喺「蒲崗村道體育館」有落都可以。

落咗車之後，望過對面馬路（條馬路就係「蒲崗村道」），就見倒「蒲崗村道體育館」，過咗馬路就係。

至於回程，只要由「蒲崗村道體育館」行返出「蒲崗村道」，喺路邊等返呢架出返「旺角」嘅紅 Van 搭返出返旺角「先達廣場」就可以啦（車費：HK$6.5）。

至於詳細嘅車程資料，可以參考呢個網站：http://www.16seats.net/chi/rmb/r_k33.html。


**希望對題主有幫助，並請唔好移除問題**

2011-03-19 11:37:45 補充：
先補充搭小巴車程，大約要 3-4 個字。

2011-03-19 11:38:07 補充：
仲有，樓下嗰位網友講得啱，係可以搭巴士去嘅。

喺「先達廣場」正門對出，亞皆老街嘅巴士站（巴士站名係「旺角鐵路站」）搭 3C 或者 203E 巴士，搭到去「蒲蘅里」巴士站（巴士站喺蒲崗村道）落車。

（3C 車費 HK$4.6（空調車，由「旺角鐵路站」起分段收費）、HK$3.7（非空調車），203E 車費 HK$4.6（只有空調車，由「旺角鐵路站」起分段收費）。車程大約 7-8 個字）

落咗車之後，跟住巴士車尾方向行落幾個街口（唔係行好遠，大約行 30-40 公尺），見倒路邊有個紅綠公仔過馬路燈位，喺呢個燈位過咗馬路，就係「蒲崗村道體育館」。

2011-03-19 11:38:28 補充：
至於搭巴士回程，由「蒲崗村道體育館」行返出嚟蒲崗村道，轉左行落少少（大約行 20-30 公尺）嘅巴士站（巴士站名係「硃鳳樓」），有 3C 同 203E 可以搭返出「先達廣場」。

3C 搭到去「旺角鐵路站」巴士站落車（巴士站喺彌敦道，同上面嘅巴士站唔同），落咗車向車頭方向行落少少（大約 20 公尺左右）見倒亞皆老街，轉左轉入亞皆老街，行過兩個街口就可以行返去「先達廣場」（行大約 80-90 公尺）。

（3C 車費 HK$5.0（空調車）、HK$3.7（非空調車），車程大約 7-8 個字）

2011-03-19 11:38:45 補充：
203E 搭到去「旺角鐵路站」巴士站落車（巴士站喺亞皆老街，同上面兩個巴士站唔同），落咗車向車頭方向行前少少有個過馬路燈位，喺呢個燈位過馬路（亞皆老街），過馬路後轉右行過一個街口就係「先達廣場」（大約行 40-50 公尺）

（203E 車費 HK$5.0（只有空調車），車程大約 7-8 個字）

巴士車程資料以及之後點行嘅資料，來源自九巴網站同埋啲網上地圖。

2011-03-20 12:49:28 補充：
對唔住，唔記得補充返啲巴士方向（即係車頭個總站牌）。補充如下：

往蒲崗村道體育館方向：3C 巴士往「慈雲山（中）」方向，203E 巴士往「彩虹」方向。

往旺角方向：3C 巴士往「中港碼頭」方向，203E 巴士往「九龍鐵路站」方向。

(1)你沒說錯,先達廣場對出的花園街是有紅色小巴前往慈雲山,收費$7.5;並在慈華大廈對出的蒲英里,蒲崗村道分站下車;然後向左走,步行到蒲蕙里及立基樓對出橫過馬路前往蒲崗村道體育館。

(2)另外,你亦可以在雅蘭中心一期對出的奶路臣街分站(http://www.kmb.hk/chi/streetview.php?file=NA06-N-4000-0)及先達廣場對出的港鐵旺角站分站(http://www.kmb.hk/chi/streetview.php?file=AR01-E-1000-0)乘九巴3C(非空調巴士$3.7,空調巴士$5)及203E($5,兩線由港鐵旺角站分站起空調巴士收費都是$4.6)在慈雲山蒲蘅里分站(慈祥大廈的松齡護老院對出,http://www.kmb.hk/chi/streetview.php?file=PO03-E-1100-0)下車;依(1)的方法前往蒲崗村道體育館。

紅色小巴(旺角先達廣場至慈雲山中心):http://www.16seats.net/chi/rmb/r_k33.html

九巴3C(慈雲山慈愛苑三期方向):http://www.kmb.hk/tc/services/search.html

九巴203E(彩虹邨方向):http://www.kmb.hk/tc/services/search.html

2011-03-19 12:22:22 補充：
其實在鳳德邨硃鳳樓分站(http://www.kmb.hk/chi/streetview.php?file=PO03-W-1100-0)除了可乘九巴3C(非空調巴士$3.7,空調巴士$5)及203E($5)外,也可以乘旺角紅色小巴($6.5),並在先達廣場總站下車。

2011-03-19 12:22:31 補充：
九巴3C及203E的「旺角鐵路站」分站分別在華僑商業中心的交通銀行及Easy Shop對出(http://www.kmb.hk/chi/streetview.php?file=NA06-S-1550-0)及BELENO和KFC對出(http://www.kmb.hk/chi/streetview.php?file=AR01-W-1700-0)。