N8 Nokia 會唔會有升級版?! 同其他顏色?!

題主，由於我想澄清一啲問題，所以我好希望能回答一個，能夠令到閣下滿意嘅答案（雖然我自己覺得，題主應該唔會太滿意我嘅回答），而我嘅回答如下：

問：N8 Nokia 會唔會有升級版?!
答：根據 Nokia 嘅官方資料，Nokia N8 暫時係冇出升級版嘅計畫。

問：同其他顏色?! 會唔會有紅色同紫色呢?!
答：根據 Nokia 嘅官方資料，Nokia N8 暫時只有銀白、深灰、綠、藍、橙，共五隻顏色，暫時並有計劃再出其他頻色。而且，依加只有銀白、深灰、綠，喱三隻顏色出咗，其餘藍、橙，喱兩隻色，根據網上資訊，同埋自己所知，要到十二月先至出。

問：本身部機好唔好用呢?! 好多人都話唔好用咁喎!!
答：自己曾經試用過 Nokia N8 喱部手機，自己覺得操作反應一啲都唔差，而且操作仲好順暢添。雖然對比起 iphone 或者 android 嘅智能手機，操作反應係爭少少，但係相比起其他智能手機（尤其係其他 Nokia 嘅智能手機或者其他 Windows Mobile 嘅智能手機），N8 嘅操作反應同埋順暢程度已經非常唔錯，而且 N8 嘅功能亦都非常強大添，可以講得上係好用嘅。所以我認為，N8 絕對算唔上有啲網友或者用家講話「超唔好用」囉。


另外，仲想補充自己一啲有關揀買手機嘅個人意見：

如果要揀 iphone 或者 N8 嚟買，揀邊部好？其實係好見仁見智嘅。

如果題主唔能夠忍耐一丁點兒嘅操作延緩，又想部手機薄啲（9.3 mm），又想有數以十萬計嘅軟件（apps，無論係咪免費都好）可以下載落部手機，又想高手機個 mon 有較高嘅解像度（640 x 960），又擁有高數據用量（數百 MB）或者無限數據用量計畫，又唔介意要用 i-tune 先至入倒歌落部手機嚟聽，又唔介意手機冇得插外置記憶卡，又唔介意要用殼先至發揮倒晒手機嘅接收能力，又唔介意手機攝影質素較普通（500萬像鏡頭），又唔介意要較貴先至買倒部手機（iphone 4 行貨：16 GB 版本定價約 HK$5,000 / 炒價約 HK$7,000，32 GB 版本定價約 HK$5,900 / 炒價約 HK$8,000），又唔介意訂咗手機後，要等好耐先至有手機用嘅話（iphone 4 依加市面上全面缺貨，唔知幾時先有貨返），咁閣下係可以揀買 iphone 4 嚟用嘅。

如果題主可以忍耐可能出現嘅少少操作延緩，又唔介意部手機冇咁薄（13.3 mm），又唔介意只有數萬軟件可以下載（無論係咪免費），又唔介意手機個 mon 解像度低啲（360 x 640），又只係擁有有限數據用量（100 - 200 MB）計畫，又唔使用 i-tune 喱類軟件入歌落部手機度聽，手機又有得插外置記憶卡，又唔使特別用殼先至發揮倒晒手機嘅接收能力，手機攝影質素又較突出（1,200萬像蔡斯鏡頭），又只需要畀較合理嘅價錢就可以買倒部手機（N8 行貨定價 HK$3,988 / 炒價 HK$4,280 - 4,380），而且訂咗手機後，最多大約要等一個月就有手機可以用（最快要等兩個禮拜），咁閣下就可以揀買 N8 嚟用。


注：我係好希望上面嘅資料能夠全面啲，但係限於自身嘅筆力，可能會寫得有啲唔全面，請見諒。



**希望對題主有幫助，仲請唔好移除問題**

2010-10-26 23:29:08 補充：
再補充少少：題主問 N8 會唔會紅色同紫色出？係咪指好似紅色嗰隻橙色，同埋有啲似紫色嗰隻藍色呢？如果題主想睇吓 N8 嗰五隻色係點個樣，可以去喱個網址 http://www.ringhk.com/index_phone_spec.php?id=1799&action=listpic 度睇吓，嗰度有圖架。

2010-10-28 02:23:59 補充：
再想補充少少：

我想對一啲話 N8「超唔好用」嘅網友講：雖然 N8 未必及得 iphone 4，但係都唔會差得太遠。如果 N8 真係「超唔好用」嘅話，iphone 4 太概都唔會好得去邊。

不過，我要澄清一樣嘢：雖然接收上有啲問題，但係我係絕對認為 iphone 4 係一部好嘅手機嚟嘅。（雖然係貴咗啲）

2010-10-31 19:09:29 補充：
嗰啲話 N8 「超唔好用」嘅網友，如果佢哋能夠今日（2010年10月31日）入去啲大型連鎖店（百老匯、豐澤、衛訊等等），用正價（唔係炒價啵），即刻買倒部 iphone 4 出嚟，我話佢哋叻。咁叻嗱，喺網上亂咁講嘢。

暫時冇, 要等到聖誕節左右.

暫時冇其他顏色, 都係要等到聖誕節先知.

部機超唔好用, 不如出iphoe 4啦!