手機WIFI

題主，我已經睇過多次喱個問題，我嘅回答如下：

如果題主使用自己屋企嘅 Wifi 網絡，或者使用啲免費嘅 Wifi 網絡 (例如：政府場地，麥記，或者新巴啲巴士裡面，嘅 Wifi 網絡)，當然係唔使錢啦。

但係使用網絡供應商嘅 Wifi 網絡，就一定要錢啦。只不過好多時，可能係個 plan 已經 cover 無限 Wifi 上網，或者係用咗嘅 Wifi 上網用量未過個 plan cover 倒嘅用量，而啲網絡供應商亦好多時將啲 Wifi 網絡費用，計埋落啲手機月費裡面，所以咪唔覺有畀多咗錢咁囉。



**希望對題主有幫助**

**請題主唔好移除問題**

**如果題主認為我嘅回答合用，請揀佢做最佳回答；如果認為唔會揀我嘅回答，請盡早通知，以便刪除回答。多謝晒！**

2010-09-06 02:13:40 補充：
題主問公共圖書館同佢哋嘅自修室都可以免費 Wifi 上網，其實係可以嘅，我亦都有間唔中經公共圖書館嘅 Wifi 上網，速度唔差。至於其他有提供免費 Wifi 嘅政府場地嘅地點，可以參考返喱個網址：http://www.gov.hk/tc/theme/wifi/location/index.htm。

2010-09-06 02:28:58 補充：
另外題主亦問公眾電話亭有得 "WI FI在此啟動" 係咪都係要比錢 (我諗題主講嘅應該係 PCCW 嘅電話亭啦)，其實我未實際用過，所以唔係咁清楚。不過據我所知，PCCW 暫時未有提供任何無須畀錢嘅服務，而且 PCCW 亦都有推出獨立嘅 Wifi 上網計劃，仲係以覆蓋率高 (即係熱點多) 嚟招來添，而熱點亦包括埋 PCCW 嘅電話亭。所以，以上面嘅說話嚟講，公眾電話亭嘅 "WI FI在此啟動" 係應該需要畀錢嘅。

2010-09-07 17:44:04 補充：
我嘅個人意見就係：如果想保障手機上 Wifi 網絡嘅時候唔會咁易中毒，其實係同手機使用其他網絡上網一樣，安裝一套適合嘅防毒軟件，仲要經常更新病毒資料，咁應該可以將中毒風險減到最低。不過，據我所知，暫時仲未見有免費嘅手機防毒軟件。

至於保障喺上 Wifi 嘅時候唔會被截取資料，可以揀一啲有加密連線的 Wifi 網絡 (例如：政府場地嘅 Wifi 加密連線 (即係 *****vwifi-e))，咁就會安全好多啦。

2010-09-08 02:11:28 補充：
題主，我只係話有加密連線嘅 Wifi 網絡對資料對上 Wifi 時嘅資料保障嘅好好，而其中一例就政府場地嘅 Wifi 加密連線。仲有，由於我用過嘅免費 Wifi 好少 (只係得政府同埋新巴遮)，所以暫時據我所知，政府場地嘅 Wifi 加密連線係比較安全 (如果我記錯嘅話，新巴嘅 Wifi 好似冇加密，另外，新巴嘅 Wifi 網絡叫做 "Webus")，至於其他免費嘅 Wifi 有冇加密連線，就真係唔知道啦。

另外，其實有加密連線嘅 Wifi 網絡係可自己架構嘅，不過邊樣做我就唔係太清楚啦，因此我連 Wifi 網絡都未架構過。

2010-09-09 04:25:33 補充：
其實喺屋企自己 "架構" Wifi 網絡，只不過係話喺屋企己 "做" 個 Wifi 網絡遮。據我所知，只要有部駁咗寛頻網絡嘅電腦，同埋個 Wifi 分線器 (router)，基本上硬件已經齊晒。至於點騻點 set，我就未試過，所以唔知道啦。

2010-09-11 00:39:07 補充：
題主係用 Nokia 嘅 S60 手機，我可以畀個網址教點樣設定手機，可以連接倒政府 Wifi 嘅加密連線 (即係 *****vwifi-e) 嚟用，題主可以上去睇睇。
(網址：http://board.phonehk.com/viewthread.php?tid=247267&pid=4216538&page=1&extra=page%3D1#pid4216538)

2010-09-12 02:53:03 補充：
題主你話嗰個 EAP 未必會自動彈出嚟，可能要自己禁入去。而且啲圖亦都應該係由 Nokia 嘅 touch mon 手機截落嚟 (最有可能係 5800)，應該同 5530 差唔多嘅。

2010-09-13 01:31:59 補充：
題主，照計中毒同埋被 hack 嘅機會都應該唔大。

另外，如果仲怕嘅話，可以上喱個網址：http://search.liqucn.com/%E6%9D%80%E6%AF%92，搵搵有冇啲啱用嘅軟件可以安裝落部手機度。

2010-09-13 01:37:02 補充：
另外，如果聯接唔倒政府 Wifi 加密連線，可能只係喺手機建立接入點時有啲地方 set 錯，可以睇睇邊度錯咗改返佢。如果仲搵唔倒，甚至可以 delete 咗個接入點再重新 set 多一次架。

2010-09-14 02:23:46 補充：
題主，set 咗 Gov 嘅加密 Wifi (接入點) 後，係唔會响倒麥記同埋新巴 Webus 嘅 Wifi。

2010-09-14 02:32:47 補充：
題主，以我所知，新巴 Webus 嘅 Wifi 冇加密倒。

麥記就唔清楚 (好似冇加密)。不過，可以喺手機 "連接" 嗰度 check 返麥記嘅 Wifi，睇倒麥記 Wifi 嗰條右手邊個 logo 有鎖嘅話就有加密，冇鎖嘅話就冇加密。

2010-09-15 00:35:37 補充：
題主，由於我唔知仲有冇免費嘅 Wifi 有加密，所以答唔倒你。

另外，我諗唔可以將政府嘅加密 Wifi 較到可以用落新巴嘅 Wifi 或者麥記嘅 Wifi。其實喱3個係唔同嘅 Wifi 網絡，如果個 Wifi 網絡係冇加密，用家亦唔能夠改倒佢。

2010-09-16 02:24:13 補充：
題主，唔係淨係用倒政府 Wifi，M 記同埋 Webus 都可以用返，唔會用唔倒架，只要照返已前咁用法就得啦。

2010-09-17 04:58:29 補充：
題主，千其唔好咁做，到時可能搞到連 *****vwifi-e 都用唔倒呀。

M 記 同埋 Webus 嘅 Wifi，你只要照返己前咁，喺手機裡面嘅 "WIFI 精靈" search 倒 M 記 或者 Webus 嘅 Wifi，然後 "開始網絡瀏覽"，咁就可以用返 M 記 同埋 Webus 嘅 Wifi 架啦。

2010-09-18 03:09:21 補充：
多謝晒題主揀我嘅回答，多謝晒！

同類問題回答不少，你可以參考新知識。

係公共場所使用wifi而你係用得到嘅係免費，除非你要指定用某供應商而你同供應商有立約使用權，咁你就要付錢俾你嘅供應商。如你供應商提供wifi係無須額外繳費咁你可以係覆蓋範圍內任意使用，如你要改用其他供應商，咁你仍然受到限制。

但你在家中用你自己嘅wifi，咁你仍須付費，不過你已繳付嘅係月費。