點去永利街?

題主，你由中區警署緣荷里道往西環方向行，左轉入去鴨巴甸街，馬路對面就係警察已婚宿舍，跟住再右轉入士丹頓街 (警察已婚宿舍上面)，見倒必列者士街街市，就轉左行上城皇(隍)街，見倒好多 "龍友" 喺度影相嗰度就係永利街。

至於上面咁行係咪戇居？我就唔太清楚啦。

另外，題主可以喺中區警署向西環方向行過少少，行上中環至半山自動扶手電梯，行到去堅道，落返去堅道近中環嗰邊嘅行人路，再向西環嘅方向行，行到見倒經過 "翠苑" (堅道107號)，行前少少見倒城皇(隍)街就行樓梯一直行落去，又係見倒好多 "龍友" 喺度影相嗰度就係永利街。

或者，題主仲可以喺中區警署荷李活道對面馬路搭城巴40M號，再搭多4個站，到樓梯街巴士站(轉入堅道嘅第3個站)落車，過馬路到對面行人路，由落車嘅巴士站嘅位置計起，向巴士車尾方向行到見倒城皇(隍)街就行樓梯一直行落去就係。(城巴40M巴士成人車費HK$5.3)

或者題主可以睇睇上面3個方法邊個啱你多啲。


**希望上面嘅資料幫倒題主**

**題主，請唔好移除問題，外，如果認為嘅回答合用，請揀佢做最佳回答，唔該晒！**