貓貓唔鐘意新貓BB點算?

要俾時間佢地適應呢

我家現有5貓, 佢地都係分別加入的, 適應期約為3日至2個禮拜

因為貓同人一樣, 每個都有不同性格的對新物事的接受時間也有分別囉

個人認為最好既方法, 係用本身在家那隻貓咪最不可抗拒的玩具, 逗新及原本的貓咪一齊玩, 會更快點讓原本的貓咪適應新的貓bb既氣味呢, 不過原本的貓貓都會fee佢的, 要同貓們玩多幾次

另你見原本貓咪開始嗅貓bb的patpat時, 就摸住兩隻貓貓告訴對方的名字, 這會加快佢的適應

不用太担心, 俾多的attention俾原本的貓咪, 同佢傾多的計, 我養左廿幾年貓, 前前後後十幾隻, 都會有咁既情況(講真每次有新貓加入, 雖然已知道有此問題, 叫自己不用太担心, 不過都會的, 十分明白你現在的心情, 我地俾的時間貓們適應囉)

希望幫到你~~

新舊貓相處問題 http://www.uwants.com/viewthread.php?tid=8002900&extra=page%3D1

http://hk.knowledge.yahoo.com/question/question?qid=7008121100304

http://www.uwants.com/viewthread.php?tid=7813760&extra=page%3D2
你可去獸醫診所買 Feliway 噴劑 或 Feliway 電插座.
Feliway 是人造的貓貓臉部分泌, 貓貓會以這種味道作為記認, 可令貓貓感到舒適、放鬆。 模擬貓貓這種自然的分泌味道, Feliway能製造一個令貓貓可以放鬆心情的環境。很有效而且無副作用
http://www.9lives.com.hk/chi/complementary.html
好多獸醫診所/SPCA愛護動物協會/銅鑼灣三色貓25757698.都有售Feliway 。 Feliway 個電插座有代用品 , 你可去人藥房買 拜高液體蚊香 , 把蚊液除下用佢個插座就得啦, 平D又唔需再加火牛 ; 有了電插座再另買 Feliway refill 甘用法就價平.
Feliway refill 補充裝 - Feliway Plug In REFILLS (48ml) =$160.在YAHOO拍賣網內賣家 ipetslife 有售此產品 http://hk.user.auctions.yahoo.com/hk/booth/ipetslife
有Feliway電插座個樣及替代品討論
http://www.hkcats.org/phpBB2/viewtopic.php?t=53650&postdays=0&postorder=asc&highlight=%B9q%B0A&start=0
大貓女無真正出爪打貓女BB , 己經算是不太差的了...

因為貓係領域性好強既動物, 大貓而家認為有外來者入侵佢既地盤, 為左保衛佢既領土同向新貓宣權, 佢就會成日 fee 佢同埋作勢要打佢, 目的係警告佢離開佢既地盤同埋表明佢先係大佬~ 呢方面響短時間內冇乜方法可以令佢地和平共處, 暫時將貓仔同大貓分開先, 仲可以放貓仔響籠入面比大貓聞下佢; 日子耐左 (eg. 半個月至一個月啦), 大貓知道貓仔並唔係黎搶佢地盤既, 對佢冇任何威脅, 咁佢地就會開始表現友好, 包括互相聞對方甚至之後互相清潔等等, 不過有 d 大貓會嫌貓 b 成日要玩好煩, 咁你響適當既時候 (即係大貓開始唔耐煩想發脾氣果時) 就要抱走貓仔, 唔係大貓就會打佢架啦~
除左天性之外大貓亦都會呷貓仔醋架, 佢會因為主人鍚貓仔唔開心, 覺得好似分薄左咁, 作為主人就要比信心大貓, 用行動証明你一樣咁鍚佢, 仲要証明佢先係"大佬", 包括食野要佢食先, 抱又要抱佢先, 玩又要佢玩先, 總之乜都係佢先, 佢慢慢就會順番條氣, 知道自己地位不變, 佢就會更加容易接受新貓~~過程需要時間架, 努力 ^^

你好!初初係咁呀,你應該要將佢哋分開養.首先小貓係未已經打齊所有針,因為怕會有病會互相傳染,必須小心.另外將小貓放係一角養住先(通常都係放廁所了)等大貓適應同知道有小貓存在,當然我哋都要同大貓講吓了,再先慢慢將佢哋放埋一齊,初初一齊都要睇住,因為正常大貓都未必會鐘意,但一齊時,你自己睇住,鬧吓呀,氹吓呀,慢慢就ok了,我都係咁,佢哋依家不知幾friend,仲一齊瞓,食,玩,咁都有時會打吓交,總之好快就ok了,比心機,加油,努力!祝你同貓貓都健康&快樂!!!!!

比佢地多D見面,互相習慣對方的存在,當半年或一年後大家就friend啦!