Up Conversion DVD Player

我建議唔好嘥錢買啲咁既嘢.
我有一部藍光player同埋一部DVD錄影機都可以up scale DVD去到1080p.但我覺得效果真係冇乜.同就咁出480p甚至480i都唔係好大分別.
其實DVD就係DVD,係冇得事後整靚啲佢的,以前模擬時代up scale的最大作用就係整得畫面密啲,冇咁易睇到掃描線.如果你仲睇緊高解像顯像管電視或者三槍投影機,咁個效果真係會幾明顯.
但係而家全部薄屏電視或者投影機都全部有晒內置up scale線路(冇唔得,因為解像度唔啱顯示唔到),有啲仲靚過碟機的up scale線路.(尤其你講緊平價DVD機),無論你俾甚麼訊號佢佢都可以自己搞掂轉翻面版像素.
比較舊的顯示器個內置線路有啲會較差,以前好興整部十幾二十萬既增線器來做demo.亦聽講一啲DVD機皇既增線線路會好正,但係你會俾咁多錢玩DVD嗎?咁有錢不如玩藍光啦.