請幫幫手丫, 好擔心～ｔｈｘ

首先係jmup的問題, 如果妳唔想佢成日紮紮跳, 應該用啲好認真0既語氣向佢say " NO " (但唔需要好大聲, 因為會嚇親佢), 拉布拉多係好聰明0既狗, 你俾啲耐性教佢就得架啦,

成日咬人手, 應該係因為佢換緊牙發牙痕, 你可以俾啲狗骨頭佢咬, 咁佢就唔會咬你隻手架啦! 如果呢個方法唔得, 你可以試吓搽啲白花油之類0既嘢喺隻手度, 狗狗好怕呢陣味, 應該唔會再咬你架啦!

佢得6個月大，咁仲係bb黎，bb狗係特別活躍同貪玩架，會成日跳跳紮冇時停，不過都要教下佢一d規矩，咬手就更加唔可以容許，但你有冇俾定d骨骨佢咬，因為佢宜家會好牙痕架，要成日咬野，冇野俾佢咬，佢一係就咬你隻手，再唔係就會咬爛你d傢俱。我d朋友都有養拉布拉多狗，佢地話d門全部都俾隻狗咬到爛哂，而且精力非常旺盛，要帶佢成日跑佢先冇搞咁多破壞。不過要開始教佢邊d你可以俾佢做，邊d唔得，要講NO，做啱就要讚佢乖，俾少少野食獎勵佢，教狗一定要有耐性架，唔係一朝一夕既事黎。

佢係咪響你番屋企果時撲上你身上面? 如果係, 咁你可以試下番屋企之後既 5-10 mins 都唔好理佢住, 凈係響佢撲你果時 say no, 不論佢幾熱烈歡迎你都好, 你都要忍心當睇佢唔倒, 到佢 cool down 左之後先摸下佢個頭同撩佢玩, 總之佢一撲你就唔好理佢, 慢慢佢聽倒你 no 佢 + 你唔理佢, 佢就會理解到呢個行為主人會唔鍾意, 就唔會再撲架啦~
咬野 - 狗狗因為換牙會牙痕架, 你可以比條毛巾佢要黎咬 / fing / 玩乜都好, 仲可以買 d puppy 都咬得既野比佢止牙痕 (greenies 同普通牛骨對佢黎講都比較難消化, 你可以去買 d 硬少少既 snacks 比佢咬), 到佢換完牙呢個情況就會消失架啦~ 不過如果佢係出於頑皮而周圍咬野, 除左要教識佢唔可以 (say no, 必要時可以打 pat pat) 之外, 上面位朋友都講左, 白花油係一個好好既方法, 最 arm 係用響電線上面!
圖片參考：http://hk.yimg.com/i/icon/16/4.gif

咬人 - 佢係撩你玩呀, 你亦都要 say no, 唔可以比佢呢個行為變成習慣, 唔係第時佢大個仔咬落你度就好痛架啦~ say no 既同時可以 *輕輕用手指* 拍下佢個鼻, 比佢知道咬人係唔可以既, 之後先同佢玩玩具, 話番比佢知正確既做法係點樣~
Labrador 係好聰明既狗狗, 服從性好高, 只要你用正確既方法教佢, 佢一定會係一隻比你鍚到 loan 既乖狗狗~!
圖片參考：http://hk.yimg.com/i/icon/16/3.gif

不需要看獸醫,但需要俾錢訓練狗隻既人去教牠。