養中型狗狗或以上人仕請入, 請教吓!

我就唔認為易唔易教係因為狗狗係男係女, 我之前有隻仔, 佢真係乖到不得了, 好多野都唔駛點教佢就會記得邊 d 唔做得就唔會再做, 好多其他狗狗會同你搏命既野例如洗耳仔 (發緊炎果時洗, 好痛架), 洗傷口, 餵藥等等佢真係只係坐響度任你舞, 無論點佢都唔會發脾氣; 而家養緊既兩隻女呢, 就係一個更好既例子, 一個就講左好耐都唔聽, 無奈真係要出到打呢招佢先聽人講唔再咬野 (game, 檯腳, 電線無一倖免), 另外一個就未試過亂咬野, 有次佢見家姐比人打就走埋黎同佢餅埋一齊, 好似話 "唔好打佢啦, 佢唔敢架啦" 咁, 真係超級有性~ (咁當然, 我仍然係兩個都好鍚既~) 所以, 我會覺得係狗狗天生既性格去決定佢易唔易教, 唔關女仔乖 d 事架
圖片參考：http://hk.yimg.com/i/icon/16/1.gif

如果冇諗住比狗女生 bb, 做絕育就最好, 你又唔駛煩佢又唔駛辛苦, 係咪?
你隻仔呢, 我覺得佢見倒有其他狗狗爭你, 會呷醋係好正常個喎, 好似我兩個女一樣, 是但一個走埋黎另一個就會即刻又哄過黎, 只會你 keep 住對兩個都公平, 有咩一齊食一齊玩, 唔會比是但一個覺得你大細超就 ok 啦 (當然如果你 cocker 仔唔開心就要扮比佢睇鍚佢多 d 啦), 狗狗慢慢會明白, 冇人會分薄你對佢既愛錫佢就會冇咁緊張架啦~
另外 cocker 仔佢係咪見黎見去都係得之前隻洛威呢? 佢咁既舉動應該係因為缺少正常社交喎, 不過到左 7 歲就比較難去改變佢既想法, 你可以試下叫有養狗既朋友抱埋隻狗去你度, 等佢習慣下面對其他陌生既狗狗, 但全程朋友既狗都必需係抱住, 如果試左幾次情況都冇改善, 一係就要搵專門糾正狗狗行為既專人訓練佢, 如果唔係我認為就唔好再迫佢啦, 只要佢對新黎既狗狗 ok 就算了...

我自己屋企有三隻狗，全部都係中型狗，兩女一男，全部已經絕育

我覺得女真係易教好多，我兩隻女好快就好聽話，但隻男己家都就快一歲，依然都攪到成間屋d野爛晒，就算你個人係屋企都好 (唔係瞓覺)，佢都可以倒亂，不過冇人係屋企亂得再勁d，屋企d梳化，電線，爐頭，衫......全部野都咬爛晒，唯一一樣野最好就係教去厠所最叻，講兩三次已經識

我果兩隻女之前都有倒亂，但係教多一兩星期已經好乖，而月經方面，因為佢半歲大我已經同佢絕咗育所以都係煩咗兩次

但個男既教極都係咁，都冇晒辦法，考慮緊俾佢去返下學，可能效果會好好多

以上係我既意見，可能會係唔同狗種有唔同效果，所以我覺得都唔可以一概而論既