如何訓練狗狗「坐」下來???

互問互答

「坐」的訓練：
1) 訓練狗坐著等待應該在狗大約四個月齡開始，狗太小因愛動訓練效果不好。首先要為狗綁好頸圈和牽繩，命令狗“坐”！並用手按壓狗的背部讓狗蹲在原地不動，然後主人著繩子，站在狗的旁邊觀察。如果狗要動時，立刻用手勢命令牠「坐」！並輕按狗的頭部讓其重新坐下。
如果狗能服從命令坐著不動，就必須對狗進行適當讚揚，撫摩其頭部甚至可給牠一點喜歡的食物。多次訓練後，主人可逐步離狗稍遠些，並可送掉牽繩訓練。離開狗的時候，如果狗要站起來，那麼主人必須立即命令其「坐」！制止牠的行為。
如果狗還是站了起來或朝主人走過來，那麼主人的口氣要嚴厲一些，但戒態度暴躁和打狗，訓練一定要有耐心。照此訓練一段時間後，就可完全松掉牽繩，取消獎勵，同時可將狗帶到戶外去進行訓練。當狗能完全理解「坐」的命令和服從時，你就可進行其他與「坐」相關的行為訓練了。比如「起來」、「臥」 、「躺下」等動作，此時的訓練就相對容易得多了。
2) 拿些犬喜歡的東西，例如骨頭、皮球、好吃的東西，拿到犬的前上方，並移動，如此就會集中注意力，自然向後坐下。動作停止後要將牠的腰強迫往下壓，飼主在這時候要發出「坐」的命令，坐好後再給予獎勵。
******************************************
「趴下」的訓練：
趴下和坐下要一起訓練，在訓練「坐」時，將犬喜歡的東西拿到其頭部的前上方，以引起牠的注意，並且要拿到犬的前下方，然後令牠「趴下」。當其注視下面的東西時，自然會趴下，如果看到牠腰部抬起要站立的樣子，便要命令牠「坐」、然後再訓練牠「趴下」，要不斷發出命令語及命令的動作，直到犬能直接反應為止。
「等」的訓練：
牠如果猛往前衝時，就要命令牠「等」，這時要將繩子輕輕拉一拉，當牠回頭看的時候就要發出「等」的命令。
　　「等」要以威嚴、強而有力的口氣發出，這個訓練範圍可以擴大到「坐下，等」、「趴下，等」。
「過來」的訓練：
在犬懂得「坐，趴下」的命令等，用手輕輕捻牠的身體，牠為了抵抗這個力量，會向前掙扎，這時手突然鬆開，自然會向前衝去，在這種狀況之同時，要發出「過來」的命令。
過來」的命令，要以慈祥的語言發出，然後不要忘了輕輕撫摸愛犬的頭部，稱讚牠一番。
在室外遊玩時，犬被其他事物所吸引，而離開飼主，或是被其他東西所隱藏看不到時，要一面叫愛犬的名字，一面發出「過來」的命令，這個動作是搜索中的基本訓練。
「拿來」的訓練：
這要在「過來」的訓練記得非常牢固時再加以訓練，在投在東西時，發出「拿來」的命令，當牠拿來時，便要發出「放」命令。
這種訓練要在愛犬有「持有慾」時進行，最好是在出生後四個月到六個月，便開始進行。例如牠咬拖鞋，就帶著拖鞋一起出去玩，利用拖鞋訓練牠。
一開始，東西不要丟太遠，慢慢增加距離，當牠銜到東西後，便發出「拿來」的命令。拿回來後就發出「坐」之命令，然後輕輕地用手將東西拿走，並發出「放」之命令。
此時，如果強取，牠可能會生氣，為了不讓牠懷疑，東西拿走後，要稱讚牠幾句，並且給牠一些食物吃。訓練犬將東西找回來，可以利用一種特製的木器，做為訓練的用具，也可以使用犬喜歡的東西來訓練。
「不可以」制止的訓練：
若是幼犬已懂得口令及動作的意思卻不服從命令時，宜立刻給予嚴勵的口令「不可以」，請記住訓練用的繩子是由右手來控制，牠看得見的左手是讚美用，取得信賴用的。所以若是幼犬撒野時，可用右手來處罰牠，但切忌用打、罵方式，而且同時要適時用您的左手撫摸牠的頸部。

狗狗最餵食，所以就算連專業訓練員都會利用小食去教導狗狗不同既指令。切記要專注用一個字，唔好一時叫佢(sit)，轉頭又叫(坐低)，佢會覺得好混淆，個人覺得最好用sit呢個指令，狗仔會易d明白。好簡單，只要俾狗狗看一看你手中的小食，然後不斷同佢講sit，可同時用你另一隻手輕輕按一下牠的屁股，示意牠坐低，當佢俾你按到坐低之後，你就讚下佢，然之後俾一小部份既小食佢食，等佢知道做啱指令有獎勵，跟住再不斷重覆咁train佢，可同時講(sit)時加埋手勢配合，咁日後就算你只用手勢佢都識得乖乖坐低，我就用雞條訓練我隻狗狗，因為大部份狗狗都鍾意食雞條呢樣小食，可瀏覽以下的網頁參考:
http://hk.geocities.com/kimpong2000/untitled2.htm
http://www.pet28.com/profile.asp?id=1799

首先你要準備一d狗狗愛食的小食.然後你自己坐低,(我坐地板).渣住d小食0係佢面前(高度係狗狗有小小仰視),等隻狗狗注視你手中的小食.等佢企定之後你用手按住牠的後半部,籮友部位,輕輕按佢坐低,一邊講sit.當佢sit定你就畀佢食,同時讚佢good.如是者重複做,記住一日唔可以超過15分鐘,我隻3個月大芝娃娃同埋之前歲幾大芝仔都係一日就識 .
其實訓練sit同hand係最簡單和最易.當佢識sit之後,你就可以順便教埋佢handhand(唔好同一日教,因佢會混亂,我以前隻大仔歲幾開始養,教識坐之後再教識佢趴下,但都會亂叫佢趴又坐,叫佢坐又趴,都可能係佢為食唔理做乜總之有野食就兩樣都做齊呱,哈哈>>!)方法按教sit的步驟，當佢sit定,你就捉住佢隻手,口講handhand.然後畀野食,跟住就要耐心等佢自己去做,唔識就拉佢隻手口講handhand提醒佢.識左之後又可以手指示要求佢伸左右手.我用左兩日時間敎識自己隻狗仔做呢兩個動作.好搞笑,見到有野食,叫佢sit佢仲會做埋hand
而家教緊佢down,呢個比較難,教左幾日啦,佢而家先有小小意識順我意畀我按佢趴下咋.一齊努力啊,當佢學識左任何一個動作,你都會好好好開心啊!
另外就係你地一家人的口令要一致,大家講法要一樣,唔係佢真係會亂唔知做乜.我d狗狗都係我教,其他人就等佢識左之後同佢娛樂.

我岩岩上左愛護動物協會既狗狗訓練堂。

個導師係咁樣教既：

首先準備好零食, 放食物響狗狗鼻前面俾佢望下, 之後利用隻手變講"sit"邊幫佢sit, 當隻狗狗sit左後, 就即刻讚佢good dog~ 之後再俾佢食野~

如果好難幫佢sit, 咁主人可以坐底, 用腳做成一個山洞, 俾狗狗坐入山洞, 之後用對腳按底狗狗叫sit, 咁就好易sit架喇 ~

之後仲可以行用山洞方法教埋佢down ~

要教狗狗 sit 其實好易, 以下係我自己既方法, 好快狗狗就學識架啦
圖片參考：http://hk.yimg.com/i/icon/16/4.gif

1. 搵個靜靜地同舒服既環境, 例如客廳中間, 熄左電視先, 等狗狗冇咁易分心 (記得訓練期間唔好同狗狗講其他野令佢覺得混亂);
2. 首先摸下狗狗, 咁樣係話比佢知你想同佢玩, 然後用小食令佢集中精神: 當佢望住你手上既小食果時就即刻將小食收埋響手入面 (手握拳頭), 等佢唔好凈係掛住望小食唔聽你講野, 呢個時候佢通常都會繼續望住你隻手;
3. 將手擺響自己面前 (我放下爬位), 等狗狗望倒我既眼神, 然後細細聲同佢講 "(狗狗名), sit"; 通常開頭幾次狗狗都唔會明你想佢做咩, 所以要加埋輕輕按佢 pat pat 坐落地下;
4. 當佢坐左響地下之後, 等一陣佢自然會企番起身, keep 住小食響手入面放響下爬 (有 d 耐性差少少既狗狗呢個時候會想行開, 咁就又要比佢睇下粒小食再令佢集中番~!), 再重覆番 2. 同 3. 既動作, 直至佢唔駛你按佢 pat pat 都識得自己坐, 呢個時候就要立即摸佢個頭 + 好誇張咁讚佢 GOOD BOY/GAL!!! 之後先比佢等左好耐既小食佢~
5. 重覆多幾次 2-4. 佢做倒一次就讚佢一次 + 賞小食, 之後要日日 keep 住訓練幾次 (但唔好太長時間或做太多次, 3-5 次夠架啦), 直至一星期後, 佢應該完全學識同記得, 一叫佢就識 sit 架啦~~
圖片參考：http://hk.yimg.com/i/icon/16/6.gif