請問如何可以幫他找到真正的家?

你好,板主
我先前替朋友尋領養者領養她的狗狗,用左以下方法來杜絕狗販領養我朋友的狗狗!亦真的有狗販夠擔表明自己是狗販打去我朋友手電!

我覺得除左睇吓領養者有無養狗狗經驗同財政狀況如何?還需要先作家訪,附上三個月以內地址證明(這個證明最好是用家用住宅電話費單來證明,一定要有領養者個名.後者那兩樣證明可以是假的!),手提電話月結單證明,銀行存款月結單.(這些證明你大可到他真的領養後,沒有任何問題再歸還給領養者,所取的只需是幅本!)
而且如果領養人自稱養過狗狗或現有一隻養緊.最好叫領養者,帶同他狗狗來相處一吓.或提供相片證明一吓(相片要有領養者的容貌,但要睇清楚相片中的狗狗表情,因為相可以是合成的)!
而且在領養前幾天,最好係唔阻到領養者情況底下,連續一兩天在不同時段,致電領養者看看那個時段領養者在做什麼?(因為有時有些領養者話自己有時間,全日在家照顧狗狗,但可能是講大話的.)
最後便是要看狗狗在第一次見領養者的反應!(這個好重要),因如果真的是有養緊狗狗,領養者的衣衫一定會有別的狗狗氣味!而且狗狗對領養者既反應是較雀躍的!
通常如果是在繁殖場工作的人(我指狗販),他們身上除有一陣好大的狗除味,還有一陣特別的味道,這些味道只有狗狗才能嗅到!我們人嗅到的只會是好大陣的狗味!
而且,你可以叫對方誠諾,要定時send e-mail 或send 狗狗的照片來,告知你狗狗最新的情況!

2007-04-24 01:49:30 補充：
講真替狗狗絕育都是一個杜絕狗販的方法!我亦認同樓下綱友所言!但我認為就算絕育,都未必一定會搵到一個一定好的領養者.單是早前亞視電視台,所播出的一個節目內,講一名養狗者如何虐打狗狗!就已叫人慘不忍睹!

2007-04-24 01:51:06 補充：
我覺得就算杜絕了狗販,亦未必能杜絕這等虐待犬隻之人!所以,我個人認為要真的選出一個方案來嚴選領養者,除左絕育外,我反而覺得應該加多樣,就是一些動物機構先和領養者作會面和詳談了解領養者(我指的詳談了解,是指領養者因什麼原因會想領養狗狗?因為養狗狗不是說笑,是一生的!)那樣對狗狗都多左從保障!

做一次家訪係一個好辦法!!!

我覺得最好既杜絕狗販方法就係同狗狗絕育先比人領養, 雖然都唔可以憑呢樣野去肯定新主人會一世都對狗狗好, 但起碼可以肯定狗狗唔會淪落為生仔機器, 受盡一切苦生唔倒狗 b 之後再比人遺棄...
另外領養前做一次家訪都係一個好辦法, 睇下領養者既屋企環境適唔適合養狗, 會唔會太細, 甚至係公屋或新主人原來只會將狗狗困響籠一整日等等; 本身有養開狗既我覺得可以優先考慮, 一黎佢 '3 分鐘熱度' 既可能性比冇養開既低 (因為佢已經知道養狗有咩要注意, 唔會好似好多未養過既人諗得太簡單, 結果攪唔掂又令多一隻狗受害), 二黎就算新主人番左工/學, 狗狗都有伴一齊嘛! 但狗狗之間合唔合得黎就要比 d 時間, 可能要做多幾次家訪先知結果, 呢樣就要麻煩義工帶狗狗行多幾趟了.
無論狗狗有幾乖有幾跟人, 好多所謂既 '主人' 始終都係一句唔想要就唔要, 好似之前同狗狗一齊過既日子只係發左場夢一樣, 對呢 d 咁無情既人黎講之前點去 judge 都冇用, 領養之就扮到好鍚狗, 點都會養佢一世, 變起上黎就乜都唔記得哂, 所以我覺得除左要 depends on 領養者既本身條件之外, 最重要係首先令狗狗已受保護 (已絕育) 同幫佢揀個最好既生活環境, 希望佢以後既日子會過得好, 千萬唔好再令佢受被遺棄之苦...