究竟d狗知唔知自己比人遺棄呢?

我想補充果時竟然錯手 del 左, 唯有響呢度再講多次我想講既野啦


狗狗當然會傷心, 當佢一知道主人唔要佢果一刻開始可能會唔食野, 呢埋一邊, 冇哂心機, 有 d 嚴重既話直頭點都唔肯食野, 性格變得古怪 (如唔合群, 因為對人失去信心而變得同人冇互動性等等), 唔好以為 '狗黎之嘛, 佢識鬼諗野咩, 果度有野比佢食咪得囉', 咁就錯哂啦, 狗狗既智商就等於人既 3-4 歲左右, 最聰明既狗種就有 6 歲, 你話一個 3 歲細路知唔知媽媽唔要佢? 如果你有機會去狗房或狗場睇下, 你就知我講緊乜, 果度每一隻狗既眼神都係冇希望, 好唔開心, 好灰, 但係一見有人去睇狗/見倒義工就會又跳高又擺尾咁去討好人, 好似求緊人帶佢走咁, 真係見倒佢都想喊......
圖片參考：http://hk.yimg.com/i/icon/16/2.gif
請你明白狗都有思想架!

希望你唔要佢既原因並唔係因為佢唔識做 "尋回" 既動作同埋叫佢唔識番黎... 你要明白每隻狗既性格資質都唔同, 同樣道理海關果隻 retriever 緝毒犬識得搵白粉唔等於隻隻都會識, 你話佢最鍾意同主人玩已經代表佢好鍾意你, 乜養狗最大既樂趣唔係就係同狗狗之間果份純付出既關係咩? 我自己覺得, feel 倒狗狗鍚自己已經好開心, 識比 hand/sit/fetch 等等呢 d 都只係 bonus, 就好似有次出完 trip 一星期番黎, 狗狗見倒我好似十年冇見一樣, 果一刻知道佢咁掛住我真係乜都 lum 哂, 我自己就係要呢 d 野... 不過既然你已經決定左, 希望佢下一個主人會對佢好好, 真係比倒個一生一世既家佢啦; 不過請你唔好諗住耐唔耐又睇下佢咁, 因為你咁做只會令佢更加唔開心, 更加掛住你架咋, 咁樣對狗狗會好殘忍, 你等佢響新地方適應左, 起碼半年後先去睇佢啦.. god bless the doggie

以下就係補充:


既然已成事實, 責唔責怪亦都已經對狗狗起唔倒任何改變, 我都知道要放棄佢係好痛苦...
其實我只係想借機會同所有 '諗住' 養貓/狗既朋友講句, 真係拜託你地諗清諗楚先好養, 由養佢果一刻開始就預左要付出起碼 10 年時間同心機, 唔好養左之後先 '發覺' '原來' 自己冇時間理佢就 '唯有' 將佢送比人, 請大家站響狗狗一個好純真既細路仔角度諗下, "主人唔要我了, 咁我點算好"?
又諗起 how could you 呢篇文章同埋以下呢一句:
你有自己既工作, 家人, 朋友, 娛樂, 但係請你記住, 你就係狗狗既一切

唔…兩位都講得好好，簡短有力，令我都有D感動《眼濕濕》！

2007-04-20 16:22:11 補充：
唔知你有乜感覺呢？

當然會知道-,-"你當佢冇智商?

我隻狗一次因為去旅行放左係姑姐到住
我返黎之後佢話比我知隻狗日日係門口等,
一開門佢就衝出去睇下有冇人。
仲有..
上個月我隻狗病左帶左佢去醫院,
佢因為見唔到屋企日所以幾日唔食野...
醫生最後話再咁落去就會死,叫我去諗計.
最後我地帶佢返屋企就好返哂lu~

養狗前諗清楚~好好地做咩送佢比朋友~
隻狗又唔係禮物!