狗狗成日想出街，應該如何是好?

你個 case 同我隻狗媽係一模一樣既 case, 真係 100% exactly the same!!
圖片參考：http://hk.yimg.com/i/icon/16/10.gif

好彩你識諗狗狗得 3 個多月, 仲細 - 冇錯, 呢個就係重點!
首先你要明白一切所有既外界事物對一隻只有 3 個幾月大既狗 b 黎講都係好新奇, even 只係一棵花一條樹枝佢都會好有興趣去探索/了解一下呢 d 係咩黎呢? 行去果邊唔知又係點既呢? 你講你地只係盡所有辦法去避免佢偷走出去, 但係唔知你地有冇教過佢, 咁樣走出去係唔可以, 係會比你地鬧既呢? 如果一直以黎都冇教佢咁樣做係唔可以, 只係不斷咁防止佢出去係冇用架, 因為狗 b 根本唔知咁樣做唔 arm / 主人會唔開心, 完全唔關佢鍾唔鍾意呢個屋企 or 忠唔忠心事!! "轉個彎在我地閘門口等我地，望一望我地，佢就向前行" 佢呢個舉動就係出左去之後睇下你地咩反應, 冇『唔可以』既訊息比佢既話, 佢既認知入面就等如可以繼續佢既探索之旅了.
縛住佢直至佢半歲我覺得係可行既 (因為佢而家既身型仲細, 有太多地方可以捐倒出去), 但一定要間唔中放繩睇住佢跑下 or 同佢玩下追波等等 (尤其係等佢可以舒展筋骨, 骨架同肌肉既生長都健康 d), 可以抽倒時間同佢出街既話就仲好; 但其實我認為教識佢唔可以再偷走先係解決問題既辦法 - 下次你見佢一想走出去 or 走左出去, 就要即刻捉佢番黎再好惡咁鬧佢 (一定要即捉即鬧佢先明架), 之後即刻縛番住佢, 再有下一次就狠心 d 大力打佢 pet pet 幾下再縛, 再唔聽就再大力 d (但唔可以打 pat pat 以外既地方) 再縛, 等佢知道呢個行為係絕對唔可以的, 當佢明白 + 記得之後就唔敢再偷走架啦~ 我地隻狗女都係要打先聽, 不過打 pat pat 3-4 次之後佢就知道唔得啦
圖片參考：http://hk.yimg.com/i/icon/16/3.gif

"出街拉住主人行，見人就跟" - 咁就要教佢唔可以搶繩, 要控制佢行既方向同快慢
"家人想要一隻忠心的狗…對佢好失望…應該如何是好?" - 請你向你家人解釋番上面所講既野, 狗狗知道呢個係佢既家, 你地係佢既家人, 佢一定會好忠心 (仲要係唐狗, 我相信冇人會質疑唐狗既忠誠度!!!), 只係佢太細個去 show 比你地睇, 比 d 時間狗 b 好嗎?
後話: 我屋企除左人出入既鐵閘之外仲有要黎泊車既大閘, 我地 2 大 2 細既狗狗都知道無論咩閘開哂幾耐都好, 佢地都係唔可以擅自出去, 泊車果時佢地仲識坐埋一邊, 等我地落車時先走出黎迎接我地, 4 隻一齊衝出黎都幾墟 'hum' 架
圖片參考：http://hk.yimg.com/i/icon/16/20.gif
所以一定要響佢黎 m 前做絕育呀!

我大前年係屋企附近既後山度揍左一隻唐狗返屋企養，佢係一隻狗女，當其時佢只得5個月大，佢好乖，但係就好野性，試過幾次帶佢去街一放繩時，佢居然頭也不回咁走返上山度，後尾我捉番佢返黎，將佢困住係個籠入面，不過每日都一樣會帶佢去街大小二便，不過就拉住繩唔放佢，一路都好耐心咁教佢sit 、hand 、stay等等既指令，俾野佢食時就教佢要有規有矩，我叫ok先至可以食，唔可以搶住黎食，而且教佢食完自己個份唔可以去搶其他狗狗既食物，遇到佢唔聽話既時候就即時鬧佢，再唔聽就打佢pat pat 幾下，到左宜家佢都已經歲幾大啦，每次當我放佢去街時佢都會跟住我側邊，偶然帶佢上去山玩佢都唔會走左去，試過幾次佢以為我返左屋企唔理佢，佢居然識得認住條路走返屋企，係屋企門口坐係度等人開門，因為佢已經知道佢係一隻有屋企既狗，唔係流浪狗。
其實你隻狗狗都仲係好細(得3個月大)，你要俾d時間同耐性去教佢，唔可以咁快就話隻狗唔忠心，我相信即使係名種狗都唔及唐狗咁忠心，亦都唔會有人質疑唐狗既忠心程度，如果你驚佢走出去，咁你唯有將花園既圍欄改裝，將d門隙改窄，咁佢就唔會走到出去，再唔係就唯有當屋企冇人時用狗鍊鎖住佢，我相信假以時日，佢一定會變成一隻好乖好忠心既狗狗，俾d時間狗狗同你自己啦!努力呀!

狗是群居動物，唔可以當佢係人咁睇。狗狗出過街之後，好想再出街係正常既事，但係佢唔係人，唔識分幾時ｏ係屋企，幾時出街，因為狗本身係生活在大自然。但狗被人養之後，佢要適應和人相處同生活，所謂入鄉隨俗，作為狗狗既主人，應該教識佢點樣同你地生活。狗狗既思相好單純，邊度有野食，有得玩，佢就會去邊，而係狗群生活當中，佢地既皆級觀念亦好重。當你俾佢知道你係佢master，佢就會聽聽話話，所以，適當既管朿係唔會對狗狗做成不良影響。更何況佢仲係小朋友一個，你應該用狗帶將佢綁住ｏ係花園一段時間（一兩個月，當然有人既時候可以放啦），然後等佢習慣左，知道果度係佢屋企，佢就唔會再走。如果懂得教，唐狗比純種更聽話，更忠心。如果你乜都唔做，佢更係乜都唔識啦。我建議你去書局搵ｄ書睇下點樣教狗狗聽話，學左好有用。
ｐｓ：對狗狗好ｄ，唔好因為佢唔聽話就唔要。沒有唔聽話既狗，只有唔識教狗既人。