狗狗成日抓皮膚可能係佢本身食開果隻糧太多人造色素, 味精, 防腐劑等等既野令佢敏感, 咁就要換過一隻質素好 d 既糧比佢, 首選係用人類食用成份製造 (即無肉類副產品、抗生素、荷爾蒙激素、化學防腐劑等)既天然糧。被美國權威寵物雜誌 Whole Dog Journal 選為十大最佳狗糧而響香港又可以買倒既包括 Innova, Solid Gold, Pinnacle, Canidae, Nature's variety, Azmira, Karma, 另外仲有 Chicken Soup, Foundation, Fromm, Eagle Pack, Natural Balance 等等呢 d 糧你都可以比狗狗試下, 我自己兩隻狗 b 就食緊 solid Gold Puppy, 由 3 個月大食到而家半歲一直都好好, 你可以去相熟既 pet shop 先拎 d sample, 如果狗狗肯食既話先買比佢; 點解會可能唔食呢? 因為狗狗之前食果隻太多味精好咸, 天然糧因為冇味精就會令狗狗覺得淡而無味, 佢會唔鍾意食架, 不過就算真係唔食, 都可以慢慢將新糧按比例咁逐少逐少溝落佢食緊既糧入面, 一開始 1:9, 根住 3:7, 5:5 7:3 咁逐步同佢轉糧, 記住要慢慢加多新糧既份量, 唔係既話狗 b 可能會因為腸胃適應唔倒有腸胃病架! 仲有記住一定要響行貨代理果度買, 因為市面上有太多水貨甚至假貨, 因為冇品質保証, 食左落肚有咩影響都唔知架!! 邊個係正貨代理可以響網上面自己 check, 千祈唔好聽 pet shop 亂講自己係邊隻糧既代理, 亦唔好立亂信佢地話邊隻糧好你就試邊隻!
狗糧推介 仲有好多有用既狗狗資料
圖片參考：
http://hk.yimg.com/i/icon/16/16.gif
但另一個令狗狗周身 r 既原因就係屋企既化學清潔劑, 你有冇用滴露果類拖地, 有既話又有冇用清水過乾淨呢? 因為呢 d 化學品對狗狗皮膚會做成刺激令佢地敏感, 所以一定要好小心拖完地要過起碼兩次清水, 咁就唔會令狗狗敏感之餘又驚佢地食左 d 化學品落肚啦!
圖片參考：
http://hk.yimg.com/i/icon/16/1.gif
仲有既就係狗 b 而家幾大? 會唔會係有虱呢? 狗 b 由 3 個月大開始就可以開始杜虱架啦, 不過要按 kg 數去配一隻狗 b 都用得既藥, 要小心揀呀! 如冇記錯 Frontline 好似係最少由 5kg 開始, 你可以去 pet shop 睇下
圖片參考：
http://hk.yimg.com/i/icon/16/1.gif
去邊度有得買上面果位人兄講果種糧? 咪就係去佢自己講個網囉, 佢根本就係一個 seller, 不斷咁話呢個網有咩賣 arm 問問題者既狗狗, 但比我就唔會立亂比 d 唔知咩糧狗狗試/食, 我會信有根有據既 research 同 report 多過 seller 果幾隻字!
圖片參考：
http://hk.yimg.com/i/icon/16/33.gif
2007-04-03 15:53:12 補充：
sorry! 講漏左 vet 果 part!!新太陽我有朋友既狗狗睇緊, 佢話都唔錯 (事實上呢間 clinic 既口碑都唔錯的), 仲話狗狗睇完腸胃炎第二日個 va 都有打番比佢跟進番狗狗咩情形, vet 開既藥又真係 work, 唔拖症, 朋友佢好滿意~ 但因為朋友唔響香港, 問唔倒佢睇開果個 vet 既名, 唔好意思!
