我想問狗狗頭3支針係唔係都係同一種成份ga??

我想問狗狗頭3支針係唔係都係同一種成份ga??

理論上 3 支針既成份係一樣, 要黎預防狗瘟熱, 肝炎, 感冒, 腸炎等等既疾病; 但第 2 同第 3 係唔同程度既加強劑, 即係話打完第 1 同第 2 針之後狗狗都未有 100% 既抵抗力, 一定要齊哂 3 針防疫工作先可以完成, 如果唔係打完等於冇打, 補打又要由第 1 針打過架啦!

香 港 動 物 管 理 中 心(香 港 域 多 利 道 688 號 ) 呢度有冇得打埋第三支針ga??

呢個係漁護處狗房, 只係可以打瘋狗針, 拎/續狗牌, 入晶片, 仲有接番因咬親人坐完監既狗狗番屋企, 冇得打防疫針架~

咁又可唔可以同一日整埋晶片同打埋瘋狗??

防疫第 1 針應該響狗 b 3 個月大時打, 之後一個月打一次, 即係 4 個月大第 2 針, 5 個月大第 3 針; 晶片同瘋狗針都係法例規定狗狗 5 個月大就要做, 但我自己就會將防疫同瘋狗分番開黎打 (即係唔會響同一個 wk), 因為打防疫針最好前後 3 日唔好沖涼 (因為係打 d 菌入去, 驚同佢沖涼時冷親令佢好易病), 但係打瘋狗就最後打之前同佢沖涼 (因為身體要保持清潔驚傷口發炎), 呢個小小衝突唯有用分開時間黎打去解決啦~

首先,我解釋一下疫苗其實係一種經過弱化既病毒,你可以放心,給狗注射這種疫苗係非常安全架,疫苗既病毒係經過特殊處理,佢係比正常病毒低好多,當疫苗注入狗狗身體時,狗狗身體機能會產生較多既抵抗力黎戰勝病毒,保證狗狗既健康,抵抗力經過病毒既纏繞變得越戰越強,之後遇到正常病毒入侵狗狗身體時,狗狗都可以應付自如~!
打完第三支針獸醫會幫狗狗探熱,睇下佢適唔適合打埋晶片同瘋狗針,我隻莎莎係同一日時間打第三支針,晶片同瘋狗針~!