狗狗冇胃口食嘢？

如果狗仔無胃口食野可以試下加d罐頭糧俾佢，好多狗聞到狗罐頭陣香味都會食慾大增，可以久唔久買一罐俾佢食下增加食物既新鮮感，日日都係食同款狗糧狗仔都會厭。但係切記唔好俾西莎或者寶路罐頭狗狗食，因為好多味精同防腐劑，最好買d天然狗罐頭，價錢雖然會貴d，但因為唔係成日都狗狗，應該都唔係問題，咪當逗下狗狗開心囉。以下的網頁可以參考:
http://www.pet28.com/profile.asp?id=16363

會唔會係食厭左食開既糧? 有冇試過撈鑵頭比佢食唔食? 因為我朋友有隻狗又係咁, 佢都驚係咩唔舒服帶佢睇 vet, 點知 vet 一開鑵頭狗狗都唔知食得幾開心~
圖片參考：http://hk.yimg.com/i/icon/16/4.gif

如果係食厭左 (人每日 3 餐都食叉雞飯都會厭啦, 係咪), 可以試下加其他野例如雞肉, 菜或者試下同牌子但另一隻味既狗餅 (可以先去 pet shop 拎 sample 比佢試, 真係食先買就會 side 錢), 睇下會唔會佢有番胃口?

我隻狗狗之前都試過...
你隻狗狗肯唔肯開口呀?會唔會係換牙呀?或者d牙有事呀?
我之前隻狗狗唔肯開口,咬野又無力,唔肯食硬野...朋友話可能d牙唔夠力,後來買左d奶粉比佢食,之後就食返野...
有時佢地又可能扭計唔肯食,你試下同佢玩多d睇下佢肯唔肯食啦...
除左無胃口,佢肯唔肯玩?便便正唔正常?有無其他唔問題呀?

佢幾大呀?如果仲係bb,佢又唔肯食既話,你可以試下比佢食營養膏/整林d糧比佢食

祝你隻狗狗快d有返胃口啦

我隻狗仔都試過冇胃口，後尾我係pet shop買左支膏比佢搽，過左幾日佢就冇事啦！(支膏係搽佢佢棚牙度，等佢自己*u*左佢，作用係令佢開胃番既！)
其實選擇左一隻啱狗仔食既糧唔好成日都轉啦，專食一隻會對狗仔好d！
睇左醫生都話冇事，會唔會係隻狗仔悶丫?平時有冇帶佢落街呢?
有咩問題拎去比你平時去開既pet shop問下丫，佢地應該會好樂意幫你既！