為何我的狗狗見到其它狗狗會狂吠?

我估計係狗狗缺少 social life
圖片參考：http://hk.yimg.com/i/icon/16/39.gif

因為佢唔習慣面對面同其他狗狗接觸, 一般狗狗見倒同類會先打量對方, 之後行近 dd, 之後左聞右聞, 確定對方冇惡意就會互相擺尾 say hi (有時會出現聞對方 pat pat 既情形), friend 左就會一齊玩; 而你隻狗狗一向都係得自己一個, 所以佢唔識點樣做先係正常既社交, 乜都吠左先, 咁就所有狗狗都比佢嚇怕, 唔敢同佢打招呼啦~
解決方法一定要循序漸進, 唔可以急, 如果一開始你就比佢同另一隻狗面對面, 佢好可能因為自衛而發動攻擊架, 咁對兩隻狗黎講都有危險; 你可以試下搵個又係養細狗既朋友 (盡量唔好搵松鼠/芝娃娃呢類比較容易精神緊張既狗狗), 得閒就抱隻狗經過你門口 (因為你話佢聽倒附近狗吠係冇反應), 比佢見下其他狗先, 再進一步就試下叫個朋友抱住隻狗入你屋企, 但你要先困住你隻狗狗以免佢因為地盤主義而忽然發惡, 等佢咁樣都唔吠, 開始習慣同另一隻狗狗有初步接觸, 就可以放你隻狗狗出黎 (而你朋友一樣會抱住狗狗) 觀察下佢既反應, 都 ok 就可以試下帶佢地兩個一齊出街, 試下比佢地同其他狗打下招呼 (你既狗狗亦可以響當中既過程學下朋友狗狗係點做), 等佢知道咩叫識朋友, 再後一步就係比佢同其他唔識既狗狗面對面接觸, 但仍然要好小心, 因為響佢未完全習慣 social life 之前, 佢既戒心唔知幾時好可能又再起番架, 最好都係搵番有養狗既朋友 (即係唔係唔識既放狗人), 同佢地講明你狗狗既情況, 等大家都有個防範, 成個過程都要好小心, 記住要慢慢黎~ 你狗狗都唔算好大, 6 個月既適應力都仲係好強, 但到佢再大 d 就好難去接受新事物, 變左獨孤狗狗架啦
圖片參考：http://hk.yimg.com/i/icon/16/20.gif

我隻狗(都係史立沙)同你隻狗一樣, 一見街上人或狗就勁撲同吠, 不過我隻狗之前係被人遺棄街上, 佢依家已經兩歲 (vet 話既), 我之前都好煩惱, 見到人地d狗好乖而自己個隻狗就好似顛狗噤, 我都好似你噤問人知唔知點解同點樣改善, 後來我係網上識到d 朋友(佢地都係養史立沙), 佢地話我隻狗可能細時缺乏social life, 後來我帶我隻狗去我網友屋企參加狗狗party, 開頭去到佢屋企我都好擔心, 因為我驚我隻狗除咗撲同吠之外,仲咬人或狗,後來我發現我隻狗吠既原因係想玩, 當我由得我隻狗同其它狗玩既時候, 佢就無再吠, 雖然間唔中都見我隻狗玩到有d過火 (例如: 不停騎其它狗狗令到其它狗狗發火) , 不過總括黎講佢地都係玩多, 無話咬對方, 自從我隻狗狗接觸多咗其它狗狗之後, 我發覺佢既亂吠行為比以前有改善

我覺 得你隻狗可能同我隻狗一樣, 如果你要佢改變惡習, 你一定要佢接觸其它狗同人, 而唔係逃避佢地,

可能你條狗本身唔鍾意同其牠狗玩...所以一見到其牠同類就會去吠，或者會攻擊！相信係狗本身的性格...有d狗本身驚人、但係唔驚狗，有d又會相反..
呢個要慢慢咁教...因為你的狗狗得六個月大...你平時可以去街留意下佢本身會唔會對某一種狗係咁？？
其實好睇返本身狗隻的性格...如果到最後都係咁...就唔好勉強喇！

I think your dog doesn't like other dog or..... your dogs doesn't like other dog because you like that dog or............ your dog doesn't like you to leave him or........ other reasons.


You says you want to solve this problem but it can't be solved
Because: this problem is from your dog' heart, not in your dog's body.
So: you need to be friendly to your dog,play more games with your dog,so your dog will not think you don't like him/her &............... if you want to make a friend (dog) to your dog, you should stay a distance with that dog and the people who keeps this dog so your dog won't think you will leave him/her