請幫忙...有關狗與狗相處的!!!!

因為 7 年黎你屋企都係北京狗狗既天下, 忽然間多左另一隻狗響佢地盤, 佢唔高興係正常架, 驚佢黎搶地盤之餘佢更加驚佢會搶走埋你, 所以佢唔開心, even 同新黎既曲架打交你唔好打/鬧佢 (第一時間分開佢地, 比佢地大家都冷靜落黎好緊要), 首先你要將佢地分隔開 (就好似而家咁一個響房一個響廳訓), 佢地望倒對方果時 (e.g. 一齊響廳果陣) 就好明顯咁做到大細超, 食野 (一定要分開食, 最好可以分開兜)/玩遊戲/梳毛/去街都係佢先, 總之乜都係佢先, 等佢知道自己既身份冇被降低; 另外就係你要加倍鍚佢, 比平時多 d 摸佢, 同佢玩, 同佢講野 (嘗試同佢講, 曲架係黎同你玩架, 我唔會唔要你架..咁, 佢就算明唔哂都 feel 倒你意思架!!), 因為咁可以令佢對新黎狗狗既仇視/偏見減少, 佢知道自己仲係大佬, 你對佢又唔會因為入侵者而有絲毫改變, 咁慢慢要佢接受曲架就會易好多~ 但另一方面, 安撫完北京狗狗又要背住北京呵番曲架 (唔可以比北京見倒!!), 因為你咁明顯地大細超, 曲架會好唔開心架 (仲要係去到新環境, 咁樣比人蝦法), 除左要顧及北京既感受, 曲架既感受一樣唔可以忽視, 佢比人遺棄過好慘架, 佢需要更多既愛! 不過你放心啦, 呢個只係開始時候先會發生既事黎, 到佢地熟左而又明白大家都搶唔倒對方既任何野, 就會和平共處架啦~ 加油呀
圖片參考：http://hk.yimg.com/i/icon/16/1.gif


2007-03-20 15:28:31 補充：
幾時分開幾時一齊 - 當你唔可以睇實佢地果時 (例如訓覺同出街果時) 就一定要分開, 唔係既話一打交就大件事啦~ 而當你可以寸步不離同佢地一齊果時就可以先將佢地分別入籠, 再將兩個籠慢慢拉近, 比北京安全地聞下曲架, 熟習一下佢既味道, 到你肯定北京唔會立亂撲去咬曲架就可以試下比佢地同你一齊響廳, 不過最好都係同北京帶番狗帶, 有咩事可以立即拖佢番黎, 唔好比機會佢 hurt 倒曲架呀!

身邊也有些朋友養了兩隻不同品種兼且不同性別的小狗，希望以下資料可以給你作參考。

1. 不需要特別的安排，只需緊記一切都要公平對待，他們才不會發生爭執。除非主人想小狗配種，否則同時養狗仔和狗女，為他們絕育是有必要的。
2. 狗女都已三歲了，應待她身體狀況健康時盡快做絕育手術。
3. 是，只要主人的公平對待加上愛心，多點與他們一起玩耍，兩隻小狗是可以和平相處。
4. 我的朋友為他們絕育後，這情況似乎没有發生過。
5. 除了公平外，還需長幼有序，不是指年紀，是飼養的先後次序。帶新成員回家時首幾天最好暫時將她放在籠內，讓她熟悉環境同時可避免受到攻擊。給糧食和抱抱時必須以原先養的那隻為先，否則他會認為新狗可得到你的重視，以前他可獨享，現在自己失寵了，形成憎恨新狗。反之新狗初到貴境，會接受你的安排。

不同太擔心，小狗們與人一樣，相處久了會產生感情，成為知己的。

我又係有兩隻狗,先有仔仔,再有囡囡...佢地開頭都係成日打交,依家有時就一齊玩有時就打交...

由於北京狗係度住左咁耐,突然有隻狗狗黎住,佢為左爭地盤而打交係好正常既...狗狗仲可能會周圍大小便 (我兩隻狗狗之前就係咁)

既然北京狗咁有敵意,你最好就先分開佢地,但又要比佢地見到對方...我以前就用圍欄格開佢地,等佢地互相望到,但又打唔到交...

另外,你有咩都要比北京狗先,以免佢呷酷...如果你地有人睇住佢地既話,就放佢地一齊出黎玩...佢地打交都唔駛第一時間阻止,佢地可能只係玩姐...除非佢地發出敵意既聲音/動作,就要阻止佢地...

祝你隻北京狗快d接受隻曲架,同埋曲架快d適應新既環境

其實你要再俾多d時間北京狗，因為佢始終都已經屬於呢個家七年，突然間有隻曲架住係到，佢會驚曲架”罷”咗佢”地盤，所以一見曲架就狂吠同咬佢，我之前都試過好似你咁，養咗一隻之後再帶第二隻返屋企，佢都係同你隻北京狗情況一樣，但時間長咗，而且係果段時間裡面你唔好惼心，唔好只顧曲架，同埋果段時間你或者你屋企人要長時間一齊係屋企，北京狗慣咗，知道曲架係屋企一份子既時候，佢地就會冇事，我而家屋企兩隻狗都係咁，但時間要幾長就因狗而異