我想養狗,但唔知養咩好&該點樣照顧牠 ...

響你決定真係要養一隻大狗之前, 先唔好考慮易唔易上手, 會唔會對外人有保留, 忠唔忠心, 貴唔貴等等問題, 而係應該諗:
1. 你屋企有冇地方比佢走動?
2. 大狗需要好大既運動量, 你有冇時間同佢出去跑同玩?
3. 大狗通常體味較重同會有較多口水, 飲水時好易會整到周地係, 大便比細狗大兜好多相對黎講臭味亦較大, 你接唔接受倒?
4. 萬一佢病左要睇醫生, 同佢搭車對你黎講有冇問題? 如果你自己渣車, 開頭佢多數都會嘔 (暈車浪), 又要搵多個人睇住佢唔好響架車度周圍捐; 如果你係搭車, 好多的士司機怕麻煩/驚狗都唔會接, 你可能要 call van/搵朋友幫手車狗, 咁又有冇問題?
5. 如果你想養長毛大狗, 一係你帶佢去 pet shop 沖涼, 第一梗係驚信唔信得過, 會唔會打狗狗啦, 另外因為 pet shop 通常都係用體型黎決定收費, 所以大狗沖涼一定貴 (修埋毛洗埋耳每次 500 左右); 如果係自己沖, 同佢沖涼吹毛梳毛肯定用左你 2-3 個鐘, 你得唔得?
6. 大型狗服從性會高 d, 係會易 d 訓練, 但每隻狗狗都有反叛同唔乖既時候, 你仲係第一次養, 如果教極佢都係唔聽, 你又知唔知點做? 好簡單, 就用周地痾尿為例, 講極教極都仲係一急就賴, 半夜三更又吠, 你會點做?
去番你既問題:
1. 容 易 照 顧 和 訓 練 的
如果你鍚佢就一定會照顧得佢妥妥當當, 我覺得其實冇分易唔易照顧, 因為大狗同細狗要做既野其實差唔多, 只係你願唔願意付出你既時間同心機, 只要你肯, 日常起居飲食落街散步梳毛沖涼杜虱杜蟲打針又有何難? 而易唔易訓練, 真係睇下你識唔識教同有冇心機教, 如果狗狗細果時你又懶教, 大個左你又縑佢唔乖就真係冇得教啦!
2. .. 因 為 我 係 第 一 次 養 狗 ... 所 以 那 狗 狗 一 定 要 容 易 上 手 的 !!!
請你容許我講一句, 養狗唔係打機, 冇話易唔易上手, 打機打得唔好可以 load 番出黎再打過, 但養狗就只可以有一次機會! 只要你決定養邊種狗之前細心搵過資料同做過 research, 知道果種狗有咩特性 (如易中暑, 關節易有問題, 邊種藥對佢黎講係毒藥等等), 就唔會有太大既難度!
3. 不 過 我 比 較 自 私 .. 我 希 望 狗 狗 對 外 人 有 些 保 留 .. 對 主 人 忠 心 ..
狗狗點對你一定係雙向既, 只要你比佢知道你愛佢, 你鍚佢, 佢一定會無條件 n 倍奉還比你; 但如果你冇時間理佢, 對佢唔好, 你又憑咩要求佢要對你忠心, 一心一意??
4. 金 錢 上 不 要 太 貴 ..
我唔贊成人地買狗, 會鼓勵人去領養, 領養通常都係要比番針錢同絕育錢, 比起響出面買平好多, 最重要係你拯救左一條生命; 比人領養既狗狗雖然未必係 bb, 但唔等於佢唔會愛你, 唔會聽你話; 相反, 因為經歷過比人遺棄, 狗狗會好珍惜有個家既機會, 盡力去討好新主人, 就好似我以前隻狗一樣~ 但首要條件係你要令佢相信, 你係可以比佢信賴同負托終生既人~
最後, 我真係建議你去睇多 d 資料, 了解下狗狗係點既一種動物先決定養邊一種狗, 記住 : 狗狗既生命都冇 take two 架!!!!!

喜樂蒂牧羊犬 Shetland Sheepdog

簡介 : 有時誤認為是粗毛牧羊犬，儘管與體形大的犬源於同一祖先，並一度稱為迷你牧羊犬，但牠是有獨特性的犬種。不管身材、外形，喜樂蒂牧羊犬在工作犬中都有相當的地位。毛皮甚厚，使牠的祖先能忍受喜樂蒂島嚴峻氣候的考驗。在那裡通常用牠來牧羊。體形雖小，但這並不妨礙牠們工作，因為這些島上的動物都比較小。本世紀初，這種犬的外貌有了改觀，然而其易馴服的性格和對勞役的適應性依然未變。這種犬還有著樂觀的性格，因而又成了優異的玩賞犬。

特徵 : 耳朵小，位置高。兩耳靠得很近。警覺時半豎立。眼睛杏仁形，斜置，深棕色，如為藍色亦可接受。頭部長，呈鈍楔形，鮮明地向黑鼻變尖。平坦的顱骨與圓形吻部之間有輕微的額痕。身體與厚胸、平背相比甚為勻稱，向臀部逐漸傾斜。尾巴低垂至少可及跗關節，稍稍向上捲曲。毛皮濃密而長的外層毛形成了豐富的鬃毛，顏色有三色(黑、白和棕黃色)，深褐色和雜有黑斑的藍灰色。
習性 : 見到陌生人會躲開，但吠叫不停，這使得牠成為出色的警衛犬，也是家庭的忠實夥伴。
身長 : 母狗35.5公分高，公狗37公分高。
飼養要求 : 毛長，需經常梳理，在堅硬外層毛下面有一層厚厚的內層軟毛。雖然身體結實，能在有限的空間生活，但每天最好給予長距離的走動。


金 錢:2500-5500