toy poodle半夜 吠 , 請幫忙!

我都有一隻poodle,男仔~六個月大~我覺得poodle係好痴人ge~又鍾意乾淨~

poodle好鍾意痴人,我果隻係訓在我房的(有自己的狗床),但係我唔會同佢同床訓,我覺得如果可以的話,同一間房冇問題~~^^而且,佢半夜又識自己去尿尿,冇咩問題~

poodle好鍾意乾淨,佢地有時可能會痾夜尿,而佢地唔會在訓覺的地方尿尿囉....所以,如果你夜晚放佢入籠,佢夜晚想去尿尿又唔想在訓的地方去,都幾慘......

至於吠聲,我睇書教話,可以在佢吠的時候,在佢見唔到你的情況下,例如佢背面,用毛巾報紙擲佢,等佢知道一吠,就有野擲佢,但係佢又唔知係你擲~注意,唔好俾佢知係你擲,否則會影響你地的關係~

另外,可以參考愛護動物協會的方法~

http://www.spca.org.hk/chinese/bt/faq.htm

我都有養poodle,我都覺得poodle超級痴人每日放工返黎佢都會係我前面行黎行去直至到我抱住佢為止,我買佢返黎果時佢得2個月都唔吠既...直至到佢7,8個月大既時候佢就成日吠,吠得好勁添...直至我問我相熟既寵物店佢地話poodle好好動同埋好活潑佢無時無刻都好想有人同佢玩即使佢好眼訓但係見到我地未訓佢都會死撐到你訓o左佢先會訓~~~佢教我同我隻狗同房一齊訓佢就唔會吠~~~我用o左佢既方法已經半年非常有效~~~佢只會好間唔中吠一兩聲~~~你都可以用下呢個方法~~~希望幫到你啦~~~~

我都有一隻toy poodle,男仔~14個月大~我覺得poodle係超級痴人ga...我都比佢係房同我訓,但佢有自己ga床囉

玩具狗係比較痴人的，佢都已經係你屋企住左咁耐，都8個月大啦，絕對唔多似係仲未適應你屋企環境，只不過佢開始想要多d自由，可以入房同主人一齊瞓咁啫。如果你覺得佢唔會再周圍痾尿，咁你可以試下俾佢入房瞓。成日要係個籠度坐監好慘架。介紹個網頁俾你呀，好多野賣架:

http://www.pet28.com/tools.asp

請參考以下我答另一位朋友既答案
圖片參考：http://hk.yimg.com/i/icon/16/1.gif

另外我唔建議佢一吠你就放佢入房，咁除左會令佢誤會一吠就有人理佢之餘，仲會習慣訓房，第時你叫佢出廳訓佢會唔服從／唔開心架
圖片參考：http://hk.yimg.com/i/icon/16/17.gif

1. 佢未適應新環境, 覺得周圍唔安全所以會喊; 你可以日頭摸佢多 d, 同佢講多 d 野, 令佢建立左對你既信心先, 只要佢覺得周圍唔再有威脅感, 夜晚喊既情況就會改善;

2. 日頭你會唔會放佢走圍自己玩? 一來佢可以主動探索下呢個新環境, 有助佢快 d 適應; 二來你可以同佢玩下/比佢跑下, 等佢消耗 d 多餘既精力, 佢夜晚就會好訓 d~

3. 比 d 毛巾佢墊住黎訓 + 用毛巾圍住佢個籠四邊 (如果係入籠訓), 等佢有多 d 安全感~

4. 放 d 玩具響佢個籠度 (again, 如果係入籠訓), 等佢就算三更半夜醒左都有野消磨下時間; 仲有一定要放水樽, 等佢口渴時有水飲~

希望幫倒你 :)