狗仔做了絶育手術後,是否會乖d?是否不再佔地盤?是否不再做咸濕動作?

- 是否會乖d?

狗狗冇做絕育, 因為受內分泌影響佢地會因為發情而情緒不安、行為失常、焦躁/暴動，甚至殘暴、以及經常鬧失蹤。﹏。絕肓後因為佢既情緒可以穩定落黎，又唔會因為想爭狗女而暴燥，係會乖ｄ架
圖片參考：http://hk.yimg.com/i/icon/16/1.gif
　甚至仲有研究話狗狗絕育後咬人既機會只係未絕育狗狗既４０份１！

- 是否不再佔地盤?

因為狗公已經唔需要再同自己劃定一個勢力範圍黎爭狗女，絕育後的確會減低佢既地盤意識，但如果狗狗到好大個先做絕育，佢既地域主義可能已經成為習慣，咁佢就未必完全冇左霸地盤呢個意識架
圖片參考：http://hk.yimg.com/i/icon/16/22.gif


- 是否不再做咸濕動作?

咁又未必，其實呢個動作唔係一定關咸濕事，尤其當兩隻狗共處而其中一隻想向對方宣示主權，都會用呢個乘騎動作話比對方知我勁過你，我大ｄ！
圖片參考：http://hk.yimg.com/i/icon/16/19.gif
　
甚至我兩隻狗女玩果時都有出現呢個情形架
圖片參考：http://hk.yimg.com/i/icon/16/10.gif


- 那一間醫務所做絶育手術平靚正? 通常幾大做絶術手術?

狗仔大約＄６００－８００，狗女就費少少大約＄８００－１１００，如果負擔唔起可以問下ＮＰＶ（非牟利獸醫），但每個手術始終有潛在風險，我會搵番睇開既ｖｅｔ做（唔係話其他信唔過，我諗你明我咩意思既
圖片參考：http://hk.yimg.com/i/icon/16/4.gif
）
一般狗仔響滿左６個月大就做得絕育，而狗女就５－９個月做就ｏｋ，你可以考慮比狗女黎ｍ前定黎ｍ後先做，有說黎完第１次ｍ後就代表佢發育完成，呢個時期先做對佢會好ｄ，但一定唔可以有比狗公攪既危機出現，你可以自己衡量一下～
圖片參考：http://hk.yimg.com/i/icon/16/3.gif


- 唔做絶育手術,會否帶來主人好多不便?

會唔會好多不便就見人見志啦，不過個人認為同貓狗做絕育係做主人應份既事，有人覺得殘忍，剝奪佢地自由等等其實都係用左太人性化既角度去諗，要知道動物交配並唔係為左享受，只係純粹因為天性去繁殖下一代；如果主人根本冇諗過比佢地有下一代但又唔同佢地絕育，當佢地好渴求交配但又得唔倒發洩，咁樣先至叫殘忍！以下呢個網好值得睇，希望有更多人可以明白
絕育的理由

是否會乖d?
某程度上係,因為佢冇咁火爆

是否不再佔地盤?
yes~

是否不再做咸濕動作?
no~有時呢個動作唔係要搞野~可能佢覺得對方低等過佢亦會咁做

那一間醫務所做絶育手術平靚正?
唔知=.=

通常幾大做絶術手術?
通常2歲前,但4-5歲前都得

唔做絶育手術,會否帶來主人好多不便?
會,最大問題係,到佢老左之后可能會有高丸癌/子宮/乳癌
而因為佢老左既關係,亦不能做手術,只能夠等死
女的話,絕左之后唔會有m到,慳番褲仔+m巾錢=.=

是否不再佔地盤?
狗仔絕育後大多都不再佔地盤

是否不再做咸濕動作?
我隻史納莎絶育後都有做咸濕動作

通常幾大做絶術手術?
狗仔通常都係半歲前做絶術手術