細種狗狗一問??

如果運動量足夠, 體格會長得較原本大少少都好正常, 但以純種狗黎講我覺得個差別唔會好大, 你有冇聽過佢地話一隻芝娃娃細細個因為唔困籠, 日日跑黎跑去變左隻哥姬咁大? 我估計佢地既意思係會令手腳粗壯 d, 而唔係整體骨格變大~ 再舉多個例, 如果呢個理論係真既, 咁需要大量運動量既工作犬咪晨早變哂牛咁大隻??
如果你隻狗唔係要黎出 show, 即係整體係一定要跟狗會國際標準, 樣樣都要度過有冇超標既話, 就算佢手腳比其他狗狗粗壯少少都冇問題丫, 細種狗腳粗 d 仲冇咁驚佢地 r 柴 tim, 係咪~? :)

可以咁講~
因為佢冇洞動空間~
但如果佢本身會大[西c/北京等等身型,而不是芝娃娃這種]
佢的確唔會再大得去邊~
因為佢隻腳會變k型...~"~

基本上,你唔可以咁做
第1,虐待
第2,狗狗會好辛苦
第3,對佢日后成長同你教佢做每一樣野都極有影響

每一隻狗都有佢既身高長度,何必強求呢!?
如果你家人想你快高長大,佢地會唔會張你既手手腳腳蚊長佢呢?!
好多野整定既,點解要咁害隻狗狗呢=.=

2007-03-02 23:09:07 補充：
活動空間先岩~

呢個做法分明就係虐畜!!
同寵物店d無良做法一樣, 佢地為左將mini poodle當toy poodle咁賣, 兩個月o既bb每日只餵一餐, 咁隻bb唔長大咪一路都好似隻toy poodle咁細隻咯, 咁你自己adjust呢d係咩虐畜喇~

狗, 係狼o既後代, 係運動量需求極高o既動物, 唔俾佢出黎周圍行, 周圍跑, 佢地脾氣會好暴燥! 身體機能會變差, 容易患上各種長期病症, 骨骼亦得唔到訓練, 四肢肌肉又會退化!! 係會好細隻好得意, 但係佢會唔開心同隨時會死咯...你愛佢, 就會接受佢變成任何o既樣子, 為咩要佢受苦去滿足你對體型o既要求??

showdog就會成日困籠, 一日只出黎行兩次每次半個鐘, 終其一生都係困響個籠入面, 直到佢地唔再適合做showdog, 都仲係困響個籠入面做生仔機器~ 為左個主人要比賽同繁殖所以隻狗俾人長期困籠, 你話有冇道理??

將心比己, 日日困你響間屋度對住四幅牆, 每日只准你出街兩次去廁所, 你會唔會發癲??

我覺得呢個說法有D荒謬囉，據我經驗，狗狗未大定時要困籠，係因為擔心佢會在冇人看管時吃地上的東西及亂走引致患病或受傷。而狗狗的體形係根據其品種及父母的因子。你試想，把一隻金毛尋回犬長期困在籠裡，他仍會長大的，不會因此而變得體形細小。相反，長期把狗狗困在籠裡會令牠們發育不健全及影響情緒。適當時，應多放狗狗出來玩耍，令牠們對人類產生信任及建立自信。

做運動係可令佢地既身型睇落去健康d，d肌肉結實d，但我相信假如你果隻係松鼠狗，你由細細個開始俾佢跑，佢就會好似史納莎咁既size囉，可能有幾會大d，但唔會跨張