點解我隻poodle咁蠢架 ???

poodle係好聰明o既小狗, 十幾世紀果時, poodle係馬戲團裡面o既核心成員, 究竟係你蠢定佢蠢, 請你試下以下方法先下評論:

首先, timing要拿捏得好好好準!!
一開始你o既動作要快, 遞手同讚都係一秒以內o既事:
1. 響佢面前取小食, 等佢見到你有好野, 收響拳頭裡面揸實唔好俾佢食到
2. 右手剔一剔佢左手手踭睇下佢會唔會自己遞起, 同時落command 「handhand」
3. 如果佢sense唔到你想佢遞手, 就直接hold住佢隻手shake兩下, 同時落command 「handhand」
4. 每隻小狗第一次學handhand o既時候都會嘗試一路俾手一路搶你d野食, 但正確o既handhand個頭係唔應該郁o既. 咁你就要繼續捉住佢隻hand緊o既手, 然後用揸住小食o既拳頭推佢個咀過另一邊, 立即誇張地讚佢 「good dog」 & 獎小食時好興奮咁講 「take it」
5. 然後慢慢將hand o既時間延長, 一秒 -> 兩秒 -> 三秒.
6. 練習一隻手三至四次佢應該會明. 然後將難度提高. 試下叫佢俾完呢隻俾果隻, 即係做完(1) (2) (3/4) 之後你伸手遞高佢另一隻手同時落command 「果隻」, 立即讚佢 「good dog」 & 獎小食時興奮地說 「take it」

請明白頭幾次教佢handhand o既時候, 即使佢係被你迫先舉高手, 都要讚佢 「good dog」, 要試好多次佢先至知道你要求嫁!~

而且你要每天同佢練習幾次, 可能佢第二朝訓醒已經忘記尋日你教佢o既野, 只要跟相同o既訓練方法由頭教過就可以. 俾d耐性, 教多幾日, 佢以後都會記得. 當佢每次都按你要求做時, 試下唔俾小食, 選擇用撫摸或抱抱作為獎勵~ 等佢唔好成日為左小食先俾handhand~

請緊記, 唔可以俾壓力佢, 就算佢做唔到, 你都要俾你已經揸住o既果粒小食俾佢! 你可以選擇用冇咁興奮o既語氣講 「take it」
唔係隻隻狗都咁餵食, 你怨佢的話有機會佢以後寧願冇得食都唔肯啋你.

如果初步成功, 你可以將難度提高, 第一隻手落command 「左手」, 另一隻手落command 「右手」, 咁佢遲d仲識得分左右手, 你仲會唔會話佢蠢??

如果真係學唔識, 或佢根本就唔餵食, 咪由佢咯, 佢又唔駛去馬戲團幫你賺錢養家, 由佢做返自己鍾意做o既野啦...

2007-03-08 16:15:58 補充：
good!! 繼續努力!!

我隻雪撬仔依家6個月la，3個月大已經識坐，但hand hand都係教極唔識 ，
原來唔可以用零食引佢；佢只係意為你俾零食佢，你不段捉住佢隻手叫hand hand就可以喇。

拎住野食,叫"hand hand",之後比佢食..
一路食,一路捉住佢隻手講"hand hand",直至食完為止,
跟住我會摸下佢個頭,重覆咁做...
不過每日訓練時間唔好太長,我每日訓練15分鐘,最後佢3日就識..
其實poodle真係好聰明

不得不承認就算同一品種既狗都有分 IQ 的, 哈哈~
我兩個狗 b 都係混種狗, 其中一隻好聰明, 教幾次就識 command, 但另一隻就真係 as stupid as a pig (XDDD), 教黎教去都只係識 sit 咋~ 佢個樣又真係好唔明我究竟想佢做乜咁, 所以我都唔再迫佢 hand hand 啦, 反正教識佢都只係自己開心之嘛, 哈~

教 hand hand 我同大部份人既方法都一樣, 但我唔會比佢見倒佢既獎品, 因為佢一見倒野食就會將所有集中力 focus 響粒 snack 度, 無論你講咩佢都聽唔入耳啦~ 我會收埋響手入面, 當佢正確完成我要佢做既動作先比佢食, 仲有訓練環境唔可以嘈, 因為狗 b 都幾易分心架, 周圍安靜佢先可以投入訓練架~

你左手拎住野食
右手捉住佢隻手. 係咁講手手, 手手
我隻金毛都係咁教, 而家都係識請請喇
不過比d耐性啦
我隻雪橇仲慘呀
我教左佢成個月~佢連sit都唔聽我講
更何況手手丫..>

我個poodle而家做乜都得ga,又可以手手啦,又可以請請喎,你比心機教佢呀,一定得ga,

我隻八哥都係岩岩學識左hand hand. 初初教佢時你唔駛用野食. 我會不停咁講hand hand然後我隻手細細力篤下佢隻手手或者"拿"起佢隻手手, 不停重覆咁試, 到佢識得自己放時就讚下佢乖仔...佢做得唔岩就要不停咁"no"佢同推開佢...試多幾次就得架啦..不過要比d心機囉..
我都打算下次教下佢stay.