toy poodle 男 better / 女better?

仔:
大隻d = 重d
大膽d = 頑皮d/ 危險d
絕育手術費平d
會好鍾意捉住人地隻腳或擒狗女 un un, 搞到主人好尷尬, 大部份可靠絕育解決
- (因想馴服第二隻狗公而un un除外)
會周圍v v霸地盤, 大部份狗可以靠絕育黎解決呢個問題
會舉高腳v v, 要花d時間教, 否則你間屋唔駛要

女:
細隻d = 輕d
細膽d = 乖d/ 嗲d/ 易教d/ 危險少d (大型犬除外)
絕育手術費貴d
唔會周圍v v霸地盤, 唔會舉高腳v v, 但v v時成日貼住個地下, 妹妹好容易受感染, 要經常清潔.
起水後一個月內容易懷孕, 所以要完全與狗公隔離, 去街玩都要擇冇狗公o既地方 (你話幾難搵?) 而且起水期間狗女會惡d, 附近d狗公會千方而計衝過黎搞隻女, 要睇得好實. 如果隔離鄰舍有狗公, 嘩, 救命, d狗吠聲會好似交響樂咁煩死你.

個人愚見:
best point of 養仔係唔駛驚佢俾人搞大個肚~~
best point of 養女易教d (大型犬除外)~~

以上分別都係base on 正常o既養狗方法... 即係, 如果你無論仔定女你都係由佢自由發展, 唔係好想教, 跩你又唔理, 或者相反過份約束, 又打又鬧則另作別論喎!!

基本上養細種狗既人，都諗著越細身越好既觀念，因此選狗女會係對既。
從教導上女仔會定性D，好教D，一般參加競技比賽既教狗員，都會喜歡選雌性作教導之用。
而男仔則好性D，大身D，天生有保偉領域觀念，會在家裹四週或認為係屬於佢既地方留下芳香既尿味，所以在打理上較麻煩，在教導上，會支配別人多於受支配，受其嗅覺控制多於受指令控制，加遇有雌性起水，將會難以控制接受指令。
總括尼講，養女仔會係優於男仔既。
而養大狗則岡好相反，越雄偉、古怪、醜陋越受歡迎，則非選雄性莫屬啦！

hi!我宜家養緊一隻金毛仔同一隻北京女
唔係 poddle
好多人都會認為女係易教D乖D
包括我自己隻狗
不過最緊要合眼緣

冇定架~ 唔一定話男仔定女仔乖 d, 因為隻隻狗都有唔同性格, 我兩個都係女仔, 一個就聽倒吸塵機聲都 dup 哂尾, 另一隻就惡到對住街外既 husky 勁吠 (man 得佢丫.. =.=), 所以狗狗乖唔乖唔係決定於性別, 只係唔同性格同你教得佢好唔好架咋~ :)

其實男女都冇所謂~最緊要係合眼緣....性別都只係其次,我個都係仔黎ga,好乖ga,又嗲喎,其實女應該嗲d,但我果個仔都好嗲..

其實男女都冇所謂~最緊要係合眼緣....性別都只係其次

如果你細心咁教導佢地~男女都可以好乖架

因為我係女仔~所以比較鐘意女仔~不過真係好嗲..要成日陪住佢同痴身d~

嘩, 好睇個人喜好啫!, 我養過1隻女, 但係mini poodle 唔係 toy poodle, 佢好乖好聰明, 但依家養緊隻仔, toy poodle, 好百厭, 無時停, 好難玩.但都非常cute. D人話女仔有m所以會好污穢, 其實佢哋識自己清潔. 始終都覺女仔乖d.