我隻貓貓幾日都無飲過水

我隻貓最初都係唔肯飲水, 諗住佢口渴就會飲, 跟住見到佢間中飲水但係唔多, 無咩理佢. 後來見佢唔多妥, 帶佢睇獸醫, 就驗出係腎衰竭.
原來貓貓每日要飲好多水, 至少要飲50cc (約1支益力多), 但係貓貓既習性係唔多鍾意飲水, 您試吓用針筒餵佢飲水, 去普通藥房有得買, 幾蚊支, 唔要支針, 淨用個筒, 射d水入佢個口. 最好就係帶貓貓去俾獸醫check吓, 唔駛估估吓, 到有事, 就後悔莫及.
仲有, 唔好俾貓貓食咁多罐頭, 真係對口腔同牙齒都唔係咁健康.

其實佢可能有飲過你唔知姐..我果隻之前都係..因為佢做左手術既問題要浸林D糧俾佢食..佢都唔飲水嫁!不過之後轉番乾糧俾佢就開始飲番多水..你試下唔好俾罐頭佢食啦!吸收罐頭既水份係唔夠嫁!
仲要小心貓貓有尿石既情況!唔飲水好易生石..所以你要好好留意佢飲水情況@@

貓貓好愛乾淨架, 會唔會係個水兜烏糟左~? 定係調番轉頭, 你用過清潔劑洗佢個水兜, 令個兜有陣味所以佢唔鍾意?
以我既觀察貓比狗飲水少好多, 問題應該不大既, 不過好似上面位朋友咁講, 唔好日日比 can food, 唔係佢 d 牙就好快出事架啦~
圖片參考：http://hk.yimg.com/i/icon/16/13.gif

如佢大小二便都正常. 你都唔使太擔心既. 但因罐頭有水份 ka ma. 可能佢 D 尿尿就由此黎 ka la. 但長期唔飲水, 都唔好 ka. 尤其佢成日食濕糧的話. 好快會爛晒 D 牙仔啦. 我隻5歲貓貓就好乖. 日日都飲好多水 ka. 但我個 friend 個隻, 就唔飲 lor. 咁你可以好似我個 friend 咁, 用針筒餵. 去普通藥房有得賣 ka la. 幾蚊支 ka jeh. 之後當然係唔要支針喇. 淨用個筒. 射 D 水入佢個口咁 lor. 一日一支至兩支水最少啦.

你隻貓唔飲水,
會唔會係有特別原因呢?
雖然好似上面的朋友講, 其實問題不太大,
但係佢唔飲水, 可能因飲水的器具污漕左,
你要小心留意一下同平日有咩分別
又或者係d水質有改變都唔定,
你最好check 一check

貓唔飲水無問題，大小便正常便可，佢平時食濕糧罐頭都有水份，無須擔心。