小狗腸炎~~急急

我諗最首先，係你仲想唔想養隻狗狗。因為，我相信你係去咗d寵物黑店。與其花時間同佢哋講落去，不如搵個好d嘅獸醫醫咗狗狗先。不過，你要有心理準備，就算你盡晒力，最後狗狗都可能救唔返（我之前隻狗狗就係咁嘞）。
如果你真係想救狗狗，你可以去跑馬地搵Dr. Eric，佢醫腸炎好叻，救返機會比較高。至於寵物店，你真係唔好寄望佢會賠d乜比你，話明黑店，梗係無賴的，所以唯有當係教訓，以後有機會買狗要小心d。

我都試過類似ge經驗..無論如何你都唔好放棄!!只要你細心d照顧佢,支持佢,佢仲有希望ga!! e生話搶救我隻狗果陣,佢求生意志好強,好似知道我好錫佢,唔想走咁~(好無奈..佢太細個,敵唔過d病菌..)

PS.多d同佢傾計...(加油ar~)

其實依家最重要都係醫返好隻狗狗先!
間寵物店就算換過另一隻俾你果隻好大機會又係有病, 腸炎d菌好犀利, o係普通情況下可以生存6個月, 隻狗一定係o係寵物店果陣已經有病, 我相信間寵物店亦唔會消毒...所以果度d狗多數都全部有病...
我隻狗狗又係咁, 買左返屋企唔夠1星期, 佢就唔食野, 肚痾, 我第2日即刻帶佢睇醫生, 驗到係腸炎, 醫生叫我有心理準備, 有得呢個病o既狗狗都係得20%會好返, 都要靠狗狗自己意志! 但因為佢仲肯飲水, 個樣都仲算精神, 所以唔駛留醫or吊鹽水, 醫生開左d藥水俾佢, 叫我返到去之後每半至一個鐘就餵佢飲水, 仲叫我買d濕糧加少少水開稀之後用針筒餵佢食, 最緊要係佢冇吐返出黎.....不停咁同佢傾計, 每日重複咁做, 5日後佢開始自己主動食返野, 冇再痾水....帶佢覆診, 醫生就話佢已經好返喇! 依家仲忠氣十足tim呀! 所以你唔好放棄呀, 如果狗狗可以出院返屋企o既話你要同佢多d同佢傾計呀, 佢知道你鍚佢一定唔會放棄自己架! 仲有記得幫佢保暖, 等佢好訓d, 有足夠休息唔多唔少對病情都有一定o既幫助架!
所以我覺得目前最重要o既都係你隻隻狗狗可以好返, 其他野遲d先諗啦!
不過我覺得你最好上網公開果間寵物店出黎, 希望d人知道, 唔會中招啦!
最後, 希望你隻狗狗吉人天相, 早日康復!

去 pet shop 買狗既附帶條件就係你要預左狗狗好可能已經感染好多 pet shop 常見既病, 例如狗瘟, 腸炎, 狗房咳, 皮膚病, 生虱, 寄生蟲等等, 其中前幾樣講既致命率都好高, 往往都係當你 arm arm 同狗狗產生感情, 佢已經捱唔住了; 事實上 pet shop 所謂既 24 小時保証根本就係垃圾, 如果隻狗已經病到連 24 小時都可能捱唔住, 某 d 黑店果 d 粉人都仍然會同狗狗打刺激素等佢睇落好活潑, 其實狗狗已經辛苦到比死更難受, 你諗下用錢行頭既 pet shop 所訂既保証會唔會死錯人~?! 我覺得你同 pet shop 理論醫藥費一人一半好合理, 但如果唔好彩狗 b 最後都係捱唔過, 我唔建議你去換過另一隻, 因為狗 b 基本上等同 0 抵抗力, 響同一個地方假如其中一隻有病, 另外既狗狗被感染既機會好高 (好多 pet shop 就算明知有病狗都唔會將 d 籠/用具消毒), 你換番黎既只係另一隻可憐既受害狗, 相同既故事只係又一次開始而矣~ 反而你去同佢講換番相同價值既狗用品, 狗糧 (要 make sure 係行貨, 病狗都賣既唔會係好人) 之類既野仲實際, 然後再小心搵過另一間可靠既狗店 (絕對唔建議你去旺角!!!!!) 係咪? 始終唔著既係佢地, 只要你惡過佢, 又有十足理據, 怕咩同佢對質!!

2007-03-02 14:33:17 補充：
講漏左最重要既 point !!而家最緊要就係要比心機照顧狗 b, 成件事佢先係真正既受害者, 請你一定要比佢十足支持, 陪佢一齊打贏呢場仗, 比心機!!!GOD BLESS YOUR POOR DOGGIE

我之前都係係mk買咗99返黎5日就死咗啦.....唉.......仲要唔平囉,你應該星期6,日最多人果時係佢shop 到嘈,佢怕咗你,一定比返$你ga,因為我個fd 之前都係咁,之後好唔開心咁攞返d $$啦...同埋你係邊到買呀,等我睇下係唔係出名克店呀

我以隻狗狗都係咁, 醫生又話我隻狗得50%好得番,兼且就算50%好得番,但都可能會對身體某d機能有傷害,我好担心, 但好好彩醫生話狗狗只係感染到少少,結果我隻狗狗留咗2日醫院, "釣"咗幾包鹽水, 打咗針之後已經好番好多, 之後仲有免疫能力添!!
所以如果醫生話你地發現得早嘅話, 都應該唔係好危險, 唔好咁担心啦!