哪一間狗狗善終服務好? (非常緊急!)

我對上養果隻狗都係死於 cancer, 同佢最後一次睇 vet 前已經有心理準備, 結果當 vet 同我講佢唔會捱多過一個月, 望住佢已經冇得再腫既面同埋一直流血既鼻我忍痛親手送走左佢… clinic 安排左再見寵兒善後服務中心第 2 日收狗 (因為狗狗離開時已經係夜晚 7 點幾), 收左之後隔 1-2 日有職員打比我話已經將屍體冷凍好, 問我會唔會去睇住佢火化同埋會揀集體定獨立火化 (集體會平 d, 但個人認為如果要拎番骨灰既話, 集體係冇意思的), 然後再約時間, 期間職員態度都唔錯, 仲耐心話比我知渣車行邊條路去; 到火化當日首先入左 office 做埋揀貼響骨灰盎既相 (你要自己帶定, 菲林相 or 數碼相都 ok, 不過我唔記得如果係數碼相要咩要求), 望住狗狗既相我又已經喊哂, 個女士都有安慰下我, 仲話狗狗已經咁老, 算安慰架啦~ 另外果度 d 狗狗唔知係咪日日都見人喊苦喊忽, 會走埋黎同你擺尾 say hi, 貓貓又會黎 hi 下你咁, 果一刻真係 feel 倒幾 warm 架... 到出去火化場 (其實只係一門之隔) 揀骨灰盅, 佢有幾款唔同色比你揀, 大細就按狗狗體型決定, 佢可以做埋 DNA 鍊咀比你帶響身, 但我自己就冇要到, 因為我覺得某程度上只係商業產品, 狗狗永遠都會響我心同腦入面, 咁已經足夠..
到最後見埋見埋狗狗最後一面, 呢樣亦係我唯一唔滿意既地方, 就係狗狗既四肢被屈曲到變哂型, 再加埋睇倒佢已經完全下陷既雙眼 (呢個唔關間公司事, 係生物死後既正常現象), 我即刻又喊到收唔倒聲, 仲對住狗狗話 '點解你 d 手腳會 r 成咁架…' 果個職員見我咁激動, 亦立即解釋番因為佢身型大 (大牧), 如果唔將 d 手腳屈曲, 火化過程當中用黎接住骨灰既盤可能會接唔哂 d 骨灰, 但我就懷疑只係佢地將狗狗入袋之後就咁擺落凍櫃, 因為佢係屈到好似比人入左落袋咁… 不過既然佢只得番個驅體, 都算了…
望住狗狗入火化爐果一刻非常難受, 比望住佢打針差唔多, 好似一切野都完了, 呢一世都再冇機會見倒狗狗了... 所以一定要搵朋友陪你去...
火化其實只需 1-2 個鐘, 你可以當日拎番骨灰, 仲可以親眼睇住佢拎個骨灰盤出黎, 但我男友怕我頂唔順 (我諗好少人會頂得順, 睇倒自己既愛犬得番一堆灰咁出番黎..), 呃我話當日唔拎得, 咁我就之後去番 clinic 拎 (可以上番去火化場 or 狗狗死果間 clinic 都得).... 全部好似 2 千幾, sorry 呢個唔係好肯定, 因為我由狗狗離開果下開始到火化都喊都咩咁, 乜都唔記得了...

而再之前果隻狗狗係凌晨 03:xx 響屋企走既, 當時我上網 check 有邊間善後公司, 咁寵xx國就話有 24 小時服務, 咁我打去問下價錢之後話轉頭覆, 後來揀左第 2 間 (唔記得邊間了), 果個人打番黎問我幾時收狗, 我話我搵左第 2 間, 佢竟然同我講 '唔係呀小姐, 而家 4 點幾你都唔好打黎玩我丫!!!' 果時我冇心情同佢嘈, 只係 cup 左佢線.... 可能係呢個聽電話既人既問題, 但問你野都咁既態度, 你叫我有咩可能交我既愛犬比你???

以上兩次係我自己既親身經歷, 希望比倒你參考~
另外亦希望你好好珍惜同狗狗餘下落黎仲可以相處既日子, 雖然可能好短, 但係只要有你愛佢同埋有你陪佢行到佢生命既盡頭, 我諗佢會覺得無憾......

我隻狗狗係死於心臟病, 於上月18日, 走在, 我地搵在再見寵兒...$1,280.00
其實, 無論你搵邊間做都好, 最好獨立火化, 及你本人去監場, 送埋佢lur 程好d.

費用大約二千幾蚊,火化完你可以安放在那裡,一千二百蚊一年,你大約預多千幾蚊火葬同買個靚小小既骨灰缸,我剛剛十月頭才幫我寶貝辦理完後事,我覺得<寵之天國>做得幾好,價錢合理,你可以上網睇下先 http://www.petsheaven.com.hk 24小時服務 27556000

2007-03-01 01:16:16 補充：
市面上有6-7間寵物善終服務公司,價格分別不大(約200-300),基本分取骨灰~獨立火化,平d既可取骨灰~集體火化,或唔取骨灰~普通火化;3種價格,間間有另類服務,如紀念館租賃,DNA鍊咀,打齋等...額外收費,服務越多收費越貴,可以上網搵資料.

專業寵物善終服務 提供寵物善終服務，包括遺體接收、運送、處理、冷藏及火化等。
www.petsfuneral.com.hk

最終有您寵物善終服務 專營寵物善終服務，如海葬火葬、遺體冷藏及安置、骨灰處理等。
www.hkpetsparadise.com

再見寵兒善後服務中心 提供寵物離世時的一切善終服務，如火化、靈位安放、骸骨運送等。
www.goodbyedear.com.hk

寵之天國寵物善終服務
www.petsheaven.com.hk

寵愛有家善終服務有限公司
為各類寵物，包括貓、倉鼠、鳥類等，提供一站式寵物善終服務。
www.petwohopshek.com.hk

寵物善終服務網站
提供寵物遺體運送、獨立火化、骨盅訂購和存放等服務。
www.mydearpet.com

專業寵物善終服務 提供寵物善終服務，包括遺體接收、運送、處理、冷藏及火化等。
www.petsfuneral.com.hk

最終有您寵物善終服務 專營寵物善終服務，如海葬火葬、遺體冷藏及安置、骨灰處理等。
www.hkpetsparadise.com

再見寵兒善後服務中心 提供寵物離世時的一切善終服務，如火化、靈位安放、骸骨運送等。
www.goodbyedear.com.hk

寵之天國寵物善終服務
www.petsheaven.com.hk

寵愛有家善終服務有限公司
為各類寵物，包括貓、倉鼠、鳥類等，提供一站式寵物善終服務。
www.petwohopshek.com.hk

寵物善終服務網站
提供寵物遺體運送、獨立火化、骨盅訂購和存放等服務。
www.mydearpet.com

2007-02-28 21:49:09 補充：
因為我是最先答呢隻答案,所以希望你選我,唔好選下方同我一樣個d