狗仔食左野後，就不停嘔

1. 狗狗有冇食過骨頭? 尤其係雞骨, 佢吞落去果時如果整損左食道, 胃壁受到刺激就會嘔架啦~
2. 會唔會係食得太飽? 狗餅響狗狗胃入面溝埋胃酸會膨脹, 如果佢食得太多再膨脹埋, 個胃根本裝唔哂就會嘔番出黎~
3. 屋企有冇用化學清潔劑? 有既話要徹底過乾淨清水, 會另狗狗中毒之餘仲可能會令佢皮膚敏感架~
4. 有冇 keep 住杜蟲? 如果有腸道寄生蟲都會令胃壁受到刺激而嘔架~
5. 消化系統/腸胃出左問題? 可能係腸胃炎, 腹膜炎等

一般情況下通常 vet 都會建議比狗狗空肚 24 小時, 等佢腸胃恢復正常就自然止嘔, 但係如果抖左 24 小時之後佢仲嘔就一定要帶佢睇 vet 啦! 但有 d 野要留心 :

1. 禁食期間唔可以斷水, 因為佢不斷嘔會流失大量水份, 唔補充番會脫水架, 亦可以比葡萄糖水佢補充少少體力;
2. 禁食完 24 小時之後, 就算狗狗已經冇嘔都唔可以即刻比佢大魚大肉, 唔係就白費心機架啦~ 應該逐少逐少比野佢食, 比平日一半份量分開幾次食就 ok, 等佢腸胃慢慢適應, 如果再有嘔就唔好再拖, 即刻睇 vet!

你錫佢嗎？速速带佢睇醫生。

狗狗食錯野,佢有機能排斥返出黎,就會嘔返出黎
但如果佢不停嘔,就要帶佢去睇醫生,可能係食物中毒...可大可小架

快d睇e生啦....

佢嘔左幾多次呀? 如果係一,兩次ge話可能係食左d毛落肚, 佢自己身體機能係會嘔番出黎ga.

但係如果佢嘔左好多次, 請你帶佢去睇醫生啦. 佢係你ge家人, 嘔都可以好大件事ga.

祝狗狗早日康復!

中毒快帶佢看醫生.

帶你隻狗仔看醫生