狗瘟發病的時間???(請你們幫幫我)

你隻狗狗應該響你未買佢之前已經受感染, 更因為佢之前冇接受任何疫苗注射, 所以非常容易惹倒呢個致命率好高既病; 首先我想講預防針係應該響狗 b 8, 12 同 16 個 wks 大既時候打, 唔係打兩次就得架, 如果 miss 左或者過左期打是但一針都必需要由頭打過先至有用, 要記得呀~ 但因為狗狗而家病緊係唔可以打防疫針住, 所以我諗你都係比心機同狗狗一齊打贏呢場仗先, 之後先補番打 (由第 1 針再開始) 啦~

潛伏期唔同病發期, 由病發當日到而家已經超過 2 wks 亦唔代表佢已經挨過左, 只係佢已經病左 2 wks 咁耐; 而狗瘟係會有 1-2 wks 既潛伏期, 未病發之前佢會同冇病既狗仔一樣, even 連 vet 都唔可以肯定佢有冇狗瘟, 但潛伏期一過就所有病徵都一齊出現 (上面位朋友講哂有咩病徵, 唔重覆了), 但初期病徵同狗房咳/感冒/氣管炎會好似, 但如果一直延誤到病菌已經入腦就好難救, 所以一定要盡力照顧好狗 b! 而家你隻狗出左咁多病徵係已經可以 check 究竟係唔係狗瘟架啦, 如果你睇果個 vet 到而家都仲肯定唔倒, 我建議你不如搵另一個口碑好好既再 check 一次 (我會建議旺角梭椏道 Dr. Tint), 真係 confirm 既話就可以專注用照顧狗瘟病既方法黎湊佢~

狗瘟病毒係冇藥可以殺死, 落藥只可以比抗生素作輔助, 其實最緊要係狗狗有足夠既營養同水份去打仗, 病發期間一定唔可以再比佢冷親/感染倒其他病, 所以唔好同佢出街住, 比個舒服同夠暖既地方佢訓, 如果佢肯自己食野就最好, 萬一佢開始冇胃口唔肯食野/飲水你點都要 tum 到佢肯食野/飲水為止, 甚至用迫既方法都無可奈何, 因為佢一唔夠營養就好易會死架啦.. 除左 bb 狗餅之外你可以加 d 人食既 baby food 佢食 (唔駛溝淡, 唔好雪凍, 要微暖), 亦可以加白烚雞肉等佢飽肚 d, 同時唔好夾硬要佢起身玩/跑, 佢需要休息架! 響病毒未影響倒佢神經系統之前一定要盡力做一切去照顧佢!

而點先知佢已經康復? 到你慢慢睇倒佢既病徵消失, 冇鼻涕, 冇痾嘔, 精力充沛, 食得玩得果時就即係你已經同佢一齊打贏仗, 但仲要小心湊佢唔好放鬆, 之後一定要記得去 vet 度打番 3 次防疫針 (佢會教你幾時打第 2 & 3 針), 亦一定要同 vet 講佢曾經有過狗瘟, vet 會再幫佢 check 一次~

除左食物, 水同悉心照顧之外, 你對佢既支持亦好緊要; 挨唔挨得過其實好睇狗狗既求生意志, 而你比佢既愛就係佢一切動力既來源, 多 d 同佢講野, 摸下佢, 佢一定會 feel 倒你幾咁愛錫佢, 佢就會同你一齊比心機架啦!

GOD BLESS YOUR DOGGIE

2007-02-22 15:22:58 補充：
sorry, 好似一直都冇答你既問題, 病發期可以有幾耐?其實要視乎狗狗既體質同抵抗力, 弱 d 既狗狗可能病發 1-2 日就死了你可以參考下呢個 forum 既資料http://www.petpetplayland.com/message.php?tid=8891

罹患狗瘟的犬隻, 會顯示以下一項或多項的病徵
1 發燒，體溫會升至華氏103至105度
2 眼和鼻會有較濃的分泌物(由透明水狀轉為青黃色粘狀分泌物)
3 會咳嗽及患有嚴重支氣管氮及肺氮
4 嘔吐及肚瀉
5 性情有變，食慾欠佳，疲倦體弱及腳掌變厚
6 有些犬隻會盲目地轉圈及走來走去
如不幸地病毒侵入腦部; 此時患犬會因腦炎，腦細胞或腦神經受捐(這種捐害是永久性)，會引致患犬肌肉抽搐，甚至全身抽筋行動失調，如病情嚴重，而未能因藥物可救治，患犬可能須要進行人道毀滅。

你狗狗係咪狗房咳呀？狗瘟係就潛服期一至兩星期, 但病發的話可能要醫一至兩個月, 所以就算佢好返少少你都要keep住睇實佢, 因為好易又病過, 痊癒後不會再有狗瘟, 因為只會病一次! 但你要好好睇實佢! 發咗之後就要醫一至兩個月架! 唔好以為無事呀!

其實我之前個99都係咁,之後5日死咗啦....你好好睇住佢啦