算唔算虐待寵物?

好不幸狗狗有咁愚昧既主人, 但但同時狗狗亦好好彩可以遇倒你, 可以比倒一絲希望佢...
咁既所謂懲罰根本唔可能教得識佢去正確既地點大小便, 佢地只係話緊比狗狗聽大小便係錯既, 佢一大小便就會比人困響廁所; 如果狗狗性格係溫馴既, 佢會好可憐咁忍屎忍尿, 到佢忍無可忍終於賴左, 結果亦係一樣比人鬧, 咁長遠落去對佢心智同健康都會有好大問題! 咁既環境之下, 呢兩個所謂主人亦唔好奢求狗狗對佢地有咩服從性, 佢從來都冇感受過愛, 點解要聽你話? 狗狗變得具攻擊性亦絕唔可以怪佢.

不如你試下同佢地解釋番/print 哂所有應該點樣教狗去廁所既資料比佢地睇, 佢地用緊既方法全部都錯哂, 係, 做錯事係應該罰, 但同時如果佢地唔話比狗狗知咩叫做得 arm, 你叫佢點學番好? 再講, 就算罰都唔可以將佢困響廁所, 只要大聲 d 對佢 say no, 狗狗已經可以明白原來佢咁做係錯, 主人會唔鍾意, 再比多 d 耐性心機教佢, 一定學得識!

假如佢地死牛一面頸....... 拜託你就請求佢地放過隻狗, 唔好再養佢, 將佢送比一個真係愛狗既人啦..

答案會長左d, 請你耐心小小去睇~

(1) 虐畜
- 根據香港法例"疏忽照顧"已經屬於虐畜, 放佢響廁所任由佢嚎啕大哭都唔理, 孤立佢, 唔正視佢O既需要, 就梗係虐畜啦! 不過有好多人都用"我教狗之嘛"黎做藉口...
Main point係: 為乜野要幾仟蚊買隻狗返黎打打鬧鬧?? 寵物寵物, 名副其實, 係用黎寵家嘛!
- 教狗, 通常用"讚"唔用"罰", 效果會明顯好多, 而且狗仔唔會對主人失去信心, 可以保持良好同健康o既主僕關係. 狗仔同人仔一樣, 愈罰就愈反叛, 只有稱讚同獎勵, 先係最好o既chok chain
- one question: 你想狗仔因為驚你而服從你, 還是知自己乖就有人錫而服從你?

(2) 與家人爭吵
應該先同家人商量清楚, 大家想要一隻乜野狗, 大家要妥協一套教狗o既方法~
例如:
- 什麼時候讚, 什麼時候鬧
- 要狗仔眼中誰是老大 (只會有一個)
- 什麼時候餵食/遊戲
- 容忍小狗最百厭去到乜野程度, 唔好係又鬧唔係又鬧

如果大家對dog training一知半解, 就不如一齊上網搵資料, PRINT張GUIDELINE出黎貼響幅牆度, 冇謂爭執誰是誰非~ (大家養隻狗都係為左開心姐...)
除左俾狗狗o既guideline, 仲有俾家人o既guideline!!
冇guideline, 就冇discipline, 冇discipline, 狗仔就會無所適從唔知你想點~ 咁錯o既係邊個呢? 咪又係你咯!
現時最齊全o既參考資料: http://www12.discuss.com.hk/forumdisplay.php?fid=433

(3) 籠的作用
- 籠係狗仔o既屋, 應該要佢覺得安全, 完全屬於佢一個, 可以避難, 休息同逃避煩擾o既地方, 而唔係監獄, [永遠永遠] 都唔可以用籠黎懲罰狗仔!
- 籠o既位置要固定, 周圍冇嘈雜野, 例如雪櫃呀, 電視呀呢d會發出non-stop聲音o既野, 要完全不被騷擾, 但又可以一眼望晒你地o既悄靜角落
- 要佢自願入籠, 可以進行house training, 打開門, 放小食入去, 等佢自己行入去, 關門, 然後用力咁讚佢
- 只有當你非常得閒o既時候, 可以將100%注意力俾晒佢o既時候, 先打開門放佢出黎走動, 玩耍, 吃飯, 去廁所等等.
- 當然, 如果佢係puppy, 佢會忍唔住響個籠入面解決, 但請明白, 所有狗都好討厭響自己訓覺o既地方排洩, 大個d, 佢就死都唔肯響自己個籠度去嫁喇!
- 籠, 係用黎防止危險發生, 所以, 只要佢知道乜野唔咬得, 廁所響邊度, 就可以唔駛訓籠, 可以自由活動.(大概五個月大左右啦)

(4) toilet training
- 狗, 係天生愛整潔o既動物, 佢係唔會特登周圍痾搞到自己o既地方又屎又尿o既! 佢去唔o岩地方, 係你錯, 因為你地冇用正確方法去教佢!
- 可以定時帶佢去廁所, 如果仲係puppy, 佢食完野或飲完水唔駛十分鐘就有得去, 咁你就用狗帶牽引佢去狗廁所 (報紙舖底), 等, 你只可以等, 冇得催, 佢急o既時候會好唔安樂咁行黎行去想離開個狗廁所, 輕輕拉實拖帶固定佢位置, 直到佢響廁所上面解決為止, 然後勁讚佢同撫摸佢!
- 報紙舖或o既原因係要佢聞慣陣報紙味, 第日出街都識得搵報紙去!
- 偶然去錯左, 唔駛鬧, 淨係唔理佢, 唔好望佢, 靜悄悄咁收拾就算, 佢會分得到, 去o岩就有人讚, 去錯就冇人理, 咁就大家都唔駛勞氣
- 佢去廁所之前會有signal俾你, 例如會"腰腰"聲咁叫, 聞地下, 原地打轉或狂奔等等, 咁你就即刻帶佢去廁所, 加上誇張o既讚美, 唔駛一個星期佢一定學識, 我肯定!
- 如果佢係特登, 請留意佢有冇唔舒服, 或者你地係咪少左陪佢. 狗仔係動物, 唔係人, 唔識得乜野叫報復, 一定係有問題先會反常. 明冇?

(5) 人廁所同狗廁所o既分別
- 人廁所永遠都係潮濕o既地方, 請不要再將狗仔逗留響入面, 會導致各類皮膚病, 又有排駛錢.
- 困廁所或困房, 係懲罰, 只有犯左好嚴重o既錯先好困, 但唔係困狗仔, 係困你自己, 呢個方法叫做"time out". 例如佢玩得過份左咬到你, 你就即刻走入廁所入面關門唔理佢, 咁佢就會知道原來咬到人會令遊戲終止和失去主人. 記住, 係困你自己!!

總之, 戒掉打打鬧鬧, 自然獲得狗仔信任, 加上適當o既獎賞, 足夠o既運動量, 同與人相處o既時間, 狗仔自然會聽聽話話, 多d留意佢地o既身體語言, 你會發現佢有好多野想同你講.
俾多d耐性, 去思考下佢想同你講乜. 佢地係動物, 唔會好似人咁有無謂o既行為, 每一個動作同每一下吠聲都係表達緊一個訊息~
多d join 寵物論壇, 同朋友交流下心德, 或去petshop請教, 什至俾錢上training course.

就趁新春, 祝你同你家人唔好再為狗狗而嘈交, 祝狗狗同你地一家人生活愉快!

只有你能拯救牠~~

你真是好人~~
但只是好人, 是沒用的~~

叫你告你的家人, 是沒可能的~~

說些有建議性的:
但你要付出時間和精神~~

由你教導那小狗, 讓牠盡早學懂規舉,
例如 : 如厠, 安靜, 坐立企.
這樣, 希望牠的生活會得以改善~~

如不善待狗狗的情況沒有改善, 你就要找第三者 (愛護動物協會)幫忙.
用匿名檢舉他們, 救狗狗出火海~~

你所指*屋企人*, 恕我直言, 有冇血緣關係?

完全係虐待寵物!
買得狗仔,就要知道點同佢相處. 狗仔一回家不會懂得去toilet的地方, 乖巧的狗仔是人們友善對待才訓練到的!
為了救救小生命, 樓主快D 搵愛護動物協會!

你有不有打牠? 如果有打到牠行不到才算

你不會被人 說虐待

教動物唔好四圍大小便好似唔係咁教o架播...咁都可以算係 ~ 虐待寵物, 你叫你家人買 D 書o黎睇下點 train 動物的生活習慣啦, 隻狗好可憐呀...講真, 佢地當初養佢時無心理準備o的咩, 佢唔教隻動物就罰人就真係好無道理播...

Yes it is definitely 虐待寵物.
Dogs do not figure out basic obedience on their own, they must be trained. Locking them up is a bad way of training dogs. The appropriate way is to reward positive behavior while ignoring or correcting negative behavior.

Get your 屋企人 stop treating their pet like that at once and get some advices on how to train dogs properly from professional like vets, etc.

Hope to hear some good news from you next time.

我依家就幫你打電話去愛護動物協會,你果處係咩地址?
我好欣嘗你既大公無私........

you should tell your family stop and let the dog free, ask someone who really like the dog to take care, it is so sad to hear your case. god bless you and the dog.