✔ 最佳答案
我覺得呢個只係唔同人有唔同既見解同分祈; 理論上狗狗飲左可能有菌既生水對佢既腸胃並唔好, 但係響香港既每家每戶既水喉水都已經過基本處理, 就算唔煲熟就飲都唔會有好大問題, 菌係一定有, 但唔會去到會致命/有嚴重後果既程度; 而個人認為當狗狗已經超過 3 個月, 打齊針之後比佢飲生水亦冇問題, 鍚佢係應該, 但如果佢一直被過份保護, 就可能會變得比其他狗狗特別脆弱; 我之前將 d 唔 arm 狗狗腸胃食既狗餅送比個義工, 我同佢講呢隻餅我其中一隻狗食完痾血, 另外果隻又冇事, 問佢咁樣有冇問題; 佢答我因為狗場入面大多都經過流浪生涯, 真係冇咩佢地冇食過, 所以佢地既腸胃亦對佢地既 "食物" 作出自動調節, 有家既狗可能食一啖流浪狗既食物就即刻腸胃炎, 但對每日都只可以食呢 d 野既流浪狗黎講, 有得食都已經好幸福, 為左生存身體亦已經被迫適應, 所以佢叫我唔需要太擔心, 點唔 arm 食既狗餅對佢地黎講都已經係稀世珍品... 番番黎飲生水呢個問題, 我始終認為比佢既腸胃面對少少菌並唔係壞事, 我唔會鼓勵人咁做, 但呢個係我一直以黎養左十幾廿年狗既習慣~