點餵狗狗食杜蟲藥ah?!!!!!!!! ` [[[20分]]] {急}

首先你係咪響 pet shop 度自己買藥既呢? pet shop 有冇問你係咩狗種同埋隻狗幾重?
杜蟲藥係按體重決定份量的, 點解要食 3 粒半咁多... 你隻狗係大狗? 我隻狗 b 而家 4 個月, around 30 磅都唔需要食哂成粒... 為安全起見, 你睇下個 packing 上面既 instruction 應該要食幾多?

vet 又冇同我講一定要空肚食喎.... @@
不過如果你唔想撈落狗狗既野食入面, 最快又有效既方法就係 '鍊' 開佢個口, 將粒藥擺響佢喉嚨 '丁' 個位 (即吊鐘位), 再用手指輕輕一督 (如果你有留手甲就小心唔好吉親佢), 合番埋佢個口, 響喉嚨位向下掃幾掃, 咁佢就會自己吞架啦~ 前後都唔駛 1 min ^^ 之後比番粒 snacks 佢做獎勵, 佢唔會唔開心架~ 不過要 make sure 佢真係吞左, 最好睇多次佢個口入面有冇野, 因為有 d 狗好古惑架, 扮哂吞左轉頭又會 lur 番出黎! lol

把杜蟲藥弄碎，混入狗狗喜歡的食物裡。

我的狗狗之前食都係咁, 好煩!! 後來睇書教咗個方法, 好得!!
就係先用方法固定佢個身體, 好似我的狗狗係小牧, 我就抱住佢, 然後用手指揸住粒藥, 抓住佢個下巴, 打開佢個口, 放粒藥入口, 最緊要快, 最好近喉嚨位, 總之要入d, 即刻合埋佢個口, 用手固定佢個口, 唔好比佢開到口, 抬起佢個頭, 用手指輕掃佢個喉嚨位, 直到聽到佢吞咗粒藥就放佢, 之後一定要即刻大讚佢乖, 咁就ok!!
我之後用呢個方法餵藥, 次次都無問題, 最緊要係我知佢一定係食哂粒藥!

我最常用既食藥方法就係放粒藥入喉嚨..之後合嘛個咀頭向上..之後o係佢個鼻到吹一口氣...就咁食左喇..

我就通常係捉住佢口,然後打開佢果口,跟住塞粒藥落去(記得要塞到落脷根處),之後再掃佢喉嚨幾下,咁佢就食左gala....

杜蟲藥都係三個月食一次,所以可以慢慢來,之前我隻狗狗做完絕育手術,要食抗生素,果d係膠囊既藥,我初頭都覺得好難餵,重要一日食兩次,食足一星期tim....

之後獸醫教我這樣做,之後我番去試都ok,不過初頭一定要快d,如果唔係,隻狗狗唔知您做mug,佢會好驚同埋會走ga.....到時要再餵就好煩,初頭唔得您可以找人捉住隻狗狗先,另一人再打開佢個口,這樣可能會好d, 如果隻狗狗係長嘴就易整d....

2007-02-05 16:46:08 補充：
我隻係哥基來ga....初頭我試過low落d狗糧度,但佢成日食光d奇糧,不食粒藥....

用芝士粒粒, 然後放粒藥入去, 萬試萬靈...

put 杜蟲藥 in dog drink to drink!

買支餵藥槍, 好方便