狗女絕育後?????

做完絕育手術飲食其實同未做之前一樣就可以, 照樣食番狗餅, 雞柳, can food 等等都冇問題; 但要注意既係做完手術當日佢會因為麻醉藥既副作用令佢食慾不振, 冇乜精神係咁訓覺, 你可以好似平時咁放定個水兜響度, 佢頸渴就自然會去飲水, 但食野就唔駛迫佢食住, 如果佢肯食既話都唔可以食太多, 7 成飽就可以 (因為有 d 狗麻醉完之後仍然會嘔), 到第 2 日佢應該會恢復正常架啦, 如果佢仲係好唔舒服或者傷口流血等就要即刻番 vet 度 check~

要小心 keep 住佢傷口既清潔, 同佢去完街之後用藥棉 (唔係棉花球, 果 d 會痴住傷口架) 濕少少暖水抹番乾淨個傷口, 輕輕力唔好整痛佢呀~ 最好可以同佢帶個喇叭等佢 lam 唔倒個傷口, 因為口水入面有細菌, 佢亦可能會想咬斷 d 線架~ 大約 7 日就會完全埋口, 10 日之後就完全好番哂, 如果你揀要拆線就要 10-14 日後番去拆, 唔駛拆既會方便 d (會自己溶解) 但會貴百幾蚊~

p.s. 提提你, 手術前 10 個鐘唔可以比佢食任何野, 7 個鐘前唔可以飲水~!

你要小心唔好比狗狗食甘多, 絕育後易肥難減.... 食野同平時一樣就得. 一般狗狗2星期就可以完全康復. 剛做完手術唔好比狗狗跳, 以免狗狗跳到傷口爆就大件事....

狗女長子宮(癌)是很普遍的，絕育後確實可以避免部份生殖方面的惡疾。去愛護動物協會流動車就$300元,如果去私家就約$1000元, 要睇你隻狗有幾重而定.兩樣我都試過,私家會好些,傷口都會細D.

一般來說，任何手術都有風險，若狗隻有病或年紀大，怕牠受不了麻醉藥而死於手術桌上。故此，獸醫會要求先驗血，才決定是否適宜做手術。若果驗血合格，則幾多歲都不是問題了。

我在街上撿來的老犬，有心臟病，而且獸醫估計牠足足十歲，驗血後照樣做絕育，沒問題的。

2007-01-31 11:57:02 補充：
最好比咩佢食???正常飲食... 同奶幾耐先會好返呢??? 傷口 7-10天

一定要控制佢既體重,因為絕育後會好易肥,仲有要留意佢既情緒呀,因為佢會唔開心ka,一般一個星期左右會好返,不過我諗要睇下你既狗狗幾多歲.