愛貓之人幫幫忙--唔該晒

1. 建議你去以下網頁睇下佢既 "Cat Care Discussion Digest 貓兒護理精華區" -> "有關於湊bb貓o既問題...(湊bb方法講解)", 入面有哂你需要知道既資料, 呢個網好有用架~ 要登記先可以睇佢既文章, 不過好簡單架咋, 打幾隻字就 ok!

2. 未有咁快架, 要等佢差唔多一個月大識行識走先可以比佢自己食奶, 一陣佢連企都未企穩個頭中左落個水兜度就大件事! 其實你唔需要 24 hrs stand by 架, 只要 make sure 佢地夠暖, 食得飽, 排便正常 (呢個因為佢冇媽媽 lam 佢所以你要幫佢, 用暖既濕毛巾抹佢既 pat pat 等佢排便, 之後再抹番乾) 就唔會有大問題架啦~

3. 暫時都係奶粉同暖水袋, 毛巾呢 d 佢地既 "日用品", 到佢地識行識走先再買爪板, 沙盤, 貓沙, 水兜, 玩具等等啦~

4. 你係咪響街執佢地番黎? 係既話而家帶比 vet 睇下都可以, 雖然佢地太細唔落得任何針藥住, 但比 vet 睇下都可以 make sure 佢地係咪表面健康; 我話表面既意思係因為好多病都有潛伏期, 尤其佢地咁細, 就算 touch wood 有咩事都可能唔會即刻有徵狀; 不過只要你照顧得佢地好, 佢地抵抗力夠既話就冇事架啦~

我以前都試過一次過照顧兩隻貓 b, 第一個月係好辛苦架, 不過睇住佢地由一團爬下爬下既老鼠仔 (我覺得好似~ lol), 大個左又跑又跳咁活潑, 我覺得完全值得~~ 加油, 唔好比佢地凍親呀!!

1.各大書局都有育貓指南.或問我都得.養貓多年包括唐貓,安歌拉,波斯貓.你要揾間相熟寵物店,咁大小問題都可以請敎佢地.

2.佢地未開眼即是未夠一個星期.通常貓仔會係七至十四日內開眼.如果小貓無貓媽媽奶飲, 咁除時都可以比貓奶粉佢地飲,方法係用少少奶抺落佢地個嘴到.等佢地知道有奶食再用吸筒或問寵物店攞支餵藥頪似針筒嘅野餵佢地..我唔讚成用暖水袋,因爲貓仔好曳架成日咬野又抓野驚佢地整漏個暖水袋.比毛巾同較暖嘅布料就相當之合適.佢地會一齊瞓嚟取暖.張佢地放係較暖嘅地方.最好比間貓屋佢地.佢地會有安全感同温暖架.可以用紙皮盒自己整.佢地咁細唔識去貓厠所.要放報紙比佢地瞓嘅地方.咁當佢地痾左屎同尿就唔會整濕埋自己.如果唔係佢地會冷親咁就大件事喇.

3.可以整或買D貓玩具比佢地.等到佢地大D食乾糧(貓主要係食乾糧,而貓糧又分幼貓,成貓同老貓糧),貓仔由飲奶轉食乾糧.要張D乾糧整濕比佢地食.等佢地適應左至比晒乾糧佢地食.唔係佢地D腸胃適應唔倒.轉食貓糧就開始放兜水比佢地飲.要買吐毛膏比佢地食.又可以選擇有吐毛膏成份嘅貓糧咁仲方便.因爲佢地成日食番自己D毛.食吐毛膏會痾番出嚟.再大D又要買杜虫藥比佢地食.要留意佢地有無蚤.有就要去買適合佢地嘅蚤水.但係咁細嘅貓仔有D蚤水係唔用得架要留意.佢地轉食乾糧就要敎佢地去貓厠所.用貓厠所就要買貓沙喇.大約一個月大就要留意.

4.其實一帶番屋企之前就應該比獸醫險查.貓仔第二個月大就要打第一支預防針,第三個月要打第二支預防針.貓仔打两支就夠架喇.狗仔就要打三支.之後每年帶佢去做儉查同打預防針.貓通常六個月大至一歲就可以帶佢地做絶育手術.

初爲人母/父梗係緊張架喇.但係又唔洗過份緊張嘅你有事邊個照顧佢地喎.只要多留意佢地嘅身體狀況就好足夠喇.