✔ 最佳答案
狗狗 10 歲已經係老年, 做手術落麻醉會比其他年青狗狗既風險高, 如果佢一直相安無事, vet check 過佢身體正常可以唔駛急住做, 我以前隻大牧 9 歲時都係因為要做小腸氣手術先至一次過做埋 desex~ 不過你可以先同佢驗血同 body check 確定佢身體係咪可以承受倒呢個風險先再決定, 畢竟做左 desex 可以將佢患生殖系統毛病既機會減至最低~
1 歲狗女可以做 desex 架啦, 一般 vet 會建議狗女 6-8 個月大就做得, 我聽過一個 vet 就建議等佢黎完第 1 次 m 先做, 因為黎左 m 就代表佢已經發育完成, 唔想比佢生 bb 既話可以等佢黎完 m 之後就隨時做得; 狗女黎 m 一般都會維持 2-4 wks, 黎果時係會有陣味架, 因為佢係利用呢陣味黎吸引狗公, 而狗公就會因為佢呢陣味發哂癲 (想交配), 要注意如果會同佢出街一定要小心流浪狗埋去攪你隻狗女, d 狗公比陣味吸引倒, 你好難去阻止佢架, 到時眼白白睇住自己個女比人攪你會好慘...
你會間中見倒有一灘血響地下, 係正常架, 只要同佢 keep 住清潔, 唔想佢整烏糟地方可以困住佢入籠 or 同佢著狗專用既尿片~
我都係住大埔, 200% 絕對唔建議你去寶 x, 因為我之前有個好唔愉快既經歷 (斷錯症 + 用佢既想像力諗個根本冇必要既手術出黎叫我同隻狗狗做), 而家我會出去旺角睇 Dr. Tint, 如果小事又真係要響番大埔睇就會去仁興街動物醫療中心~