新手新貓養貓大問題

隻貓貓已經2歲 , 要佢從新適應新環境 , 新主人 , 的確是有D難道呢 ! 其實貓是很害怕換新環境的 , 你盡量比個安靜 , 不被騷擾的窩給他 , 每日提供食物 , 淸水 , 乾淨的貓厠所 , 每日觀察他是否肯進食 , 有飲水 , 有去厠所 , 耐唔耐同佢玩下 , 如果佢好驚 , 你就不要摸佢住啦 , 你可以買D貓玩具 , 一日同佢玩一,二次 , 等佢冇甘驚時 , 你再增加玩的次數 , 等佢放低了驚戒心 , 開始信任你時 , 你可以慢慢摸下佢個頭仔同頸仔 , 現時盡量不要騒擾他了 , 貓是很慢熱的 , 要慢慢哄的 , 不要太熱情 , 太熱情反而會嚇怕佢 , 比D時間佢慢慢適應啦 , 你隻貓貓2歲 , 你可能要長小小時間才取得他的信任 , 不要灰心 , 不要放棄 , 等你隻貓貓第時同你熟咗 , 鍾意你時 , 乜都值得啦 , 加油 !!!!!!!!!!!!!

2007-01-10 19:00:04 補充：
sorry，忘記了小小野，你隻貓貓是領養的，唔知佢之前有沒有比Ｄ衰人打過，或者虐待過　，導致佢性格有小小古怪，唔太信人，不過，都係呢句，比多Ｄ愛心，比多Ｄ時間佢啦啦！！！　　

我自己其實養左貓唔係太耐, 第 1 次養既兩隻貓貓, 今年佢地 6 歲~ 另外仲有 3 隻由 1 歲到 13 歲既貓, 觀察左佢地咁耐, 有少少見解:

1. 對, 貓係非常慢熱既動物, 唔似狗狗咁就算生保人對住佢 "啜啜啜" 就會過黎, 想隻唔識你既貓走埋你度, 係一件非常難度高既事;
2. 貓係有 d 神經質的, 好少既事佢地會好大反應, 例如忽然有個人影, 有 d 聲咁, 佢地可能會忽然表現得好緊張;
3. 貓都幾 "食古不化" (容許我用呢個 term.. lol), 唔鍾意身邊既環境事物有改變, 即使係細微到屋企多左張椅, 佢地都要 "搜查" 數次先會安樂;
4. 貓無時無刻都會保持警覺性 (唔好以為貓一日會訓成十六個鐘係因為好懶, 其實佢熟睡時間得好短, 淺睡 - 即係 hup 眼訓佔左大部份時間), 只有響佢認為有十足安全感既地方先會大字型咁舒舒服服訓一覺;

以上四點都約略解釋左點解你新養既貓貓會有咁既舉止, 因為佢去到一個完全陌生既新環境, 佢會對周遭表現得好緊張, 對你同你男友亦暫時唔會有信任, 咬你係為左自衛, 怕你會傷害佢; 響佢可以適應新環境之前你唔好同佢有任何身體接觸住, 要逐步逐步黎~ 例如你每日只需要比野佢食之前叫下佢個名 : "貓貓, 食野啦~" 然後離遠少少望住佢就 ok, 等佢可以接受倒佢響你隔離食野, 就可以試下撩佢玩, 毛毛波甚至只係一條繩貓都會好鍾意玩, 響佢面前 fing fing 下佢想同你玩就會嘗試捉住個玩具, 到佢肯同你玩, 就可以試下摸下佢 even 抱下佢, 但記得過程當中佢有反抗既就千祈唔好迫佢, 呢個階段係要佢接受各樣新環境新事物, 你迫佢只會嚇驚佢, 一切又白費心機~
當佢肯比你摸果時, 可以響佢後頸位細細力按摩, 呢個動作會令佢地大腦分泌一樣叫 "腦內啡" 既野, 令佢地好 relax 好舒服, 貓貓會好鍾意架~~
p.s. 你隻貓貓響眾多可憐無家可歸之中幸運地被你選中, 係一個好難得既重生機會, 希望你唔好氣餒, 比心機帶比你既貓貓家 & 愛既溫暖 :)

最多數都係咁嫁..
你可以買D貓貓玩具.陪佢玩..
等佢對你一好感..

其實你隻貓係咩種呀! 波斯貓/異國短毛貓 ..... ?

障礙就要你自己控制,飼貓大法就去http"//www.1dscuss.com.hk/archiver/?tid-1590652.html

想問下你是否只帶他回家數天呢 ?
貓由一個環境, 轉到另一個環境, 是會不習慣的, 人都一樣啦。
你那隻是成年貓, 故都要一段時間才能適應的。

我仲記得, 我最初買我二隻貓回來時, 他們都好怕, 甚至乎是躲在 sofa 下不肯出來, 那時一隻二個月, 一隻六個月, 細那一隻, 只躲了半小時,便出來四圍行。 但大那一隻, 足足躲在那兒二日, 我都不知幾辛苦才可以逗他出來的。

你給他多些時間吧, 只要他肯吃, 飲及去 toliet 的, 便不是問題的。 放心吧 !