如何做一個小玩具給小貓???

貓絕對係一種傻得可愛既動物, 只要佢見倒有樣識郁既野響面前, 佢就會因為捕獵既天性而想捉住佢為止; 基於呢個咁傻瓜既天性, 親手做既小玩意都變得非常簡單 (甚至唔應該叫 "做", 因為其實都冇做到任何野.. lol) :

1. 一張廢紙 (唔係報紙, 要唔甩墨水果 d)
渣埋一舊, 再搵封箱膠紙痴好變成一個波~ 響佢面前 look 走呢個波, 貓貓會好快咁追上去 + 咬住擔起, 但你唔好 expect 佢會好似狗咁擔番比你喎 XDD 玩厭左響地下 look 又可以響佢面前拋高, 佢會想跳高 catch 個波, 我有隻貓仲識雙手接住 or 好似打排球咁玩, 佢開心之餘你亦會笑死, 信我~

2. 一個衫架 + 唔要既被單
好簡單, 用個衫架響被單底下撩撩下佢就會係咁撲, 可以好慢咁由左至右, 再游去佢隻腳板, 佢會轉黎轉去想 gum 住個衫架~ (玩左幾次之後我隻貓就懶醒咁知道原來佢都可以捐入去, 咁就實 catch 倒個衫架了)
不過唔好響自己張床玩, 唔係佢以為你 d 手腳係個衫架, 訓訓下你比佢一野 ware 落黎真係喊都無謂~

3. 一頂報紙帽 (人地帶住黎油油果 d 呢) + 衫架
用頂報紙帽 lum 住佢個頭等佢睇唔倒野, 佢呢個時候應該會唔郁咁坐響度, 咁你試下用個衫架響佢面前好慢咁掃過床單 (我通常都會響床玩呢個), 佢會 feel 倒個衫架, 但因為睇唔倒響邊佢就會靠 feel 黎捉, 呢個要同隻貓鬥反應快, 你同佢都會好好玩~!

4. 任何繩狀物體
呢個係最簡單既一個, 只要就咁一條識郁既繩貓都可以玩半個鐘, 拎住條繩咁 fing fing 下既可以減肥佢又開心; 不過小心唔好比佢食 d 繩落肚~

5. 自己隻手
呢個最危險, 哈哈! 不過我 d 貓都識得玩果時唔伸爪所以冇所謂 (不過總有忘形既一刻....), 例如佢訓響檯面, 床上面既時候, 你就用隻手扮一隻蜘蛛響下面慢慢爬上黎, liu 下佢腳板, 佢會想捉住呢隻 "大蜘蛛", 不過唔好比佢捉倒~ 一來你隻手會好大鑊, 二黎我發覺佢地一捉倒就會冇興趣再玩, 可能覺得都捉倒啦~ 玩第 2 d 冇咁悶 lol

總括黎講, 同貓玩既玩具/遊戲都離唔開識郁, 只要主人肯同佢地玩就會大家都好開心 :)

猫猫活潑好動，最佳玩具係毛球：用的無用舊泠衫拆毛線，邊拆邊卷，卷成小于拳頭大小毛球即可，不要卷的太大個免猫猫玩得辛苦，亦可将毛球绑起用地拖柄等绑住成魚竿釣魚狀引佢玩最合大人小猫齊玩，平日拆開毛球被小猫獨個兒玩即成，
小贴土：貓猫天性要抓樹木磨爪，如见它有此行為抓家具，可去五金鋪買的麻繩纏在一木條上給牠平日磨爪之用(平日見佢抓家具即放此麻繩棍給牠，)。

以下係我同隻貓玩的一些玩具

日曆紙:將昨天的日曆紙捲成一個球體,我隻貓貓立刻追住狂咬,撕開張紙

繩:乜繩都可以,係佢面前搖檢搖去

鞋盒:放佢係地下,佢會跳入去唔知做乜野.

扭蛋個殼:放係地下度,係地下轆就可以

其實好多野都可以同貓貓玩,最緊要主人自己落手同佢玩啊