寶貝仔有皮膚病點算呀??

你講呢隻響 Q-Pet 有得賣喎, 我諗你講果隻係呢款加拿大做既狗餅:

ADULT DOG ALL BREEDS - MAINTENANCE
低敏成犬

餵食對象：１歲以上６歲以下之成犬

特別為容易對榖類蛋白敏感的犬隻所設計（不含玉米／小麥／大豆等易過敏來源），降低搔癢症／皮屑／掉毛／腸胃不適等過敏症狀。採用高成本大麥，可對抗發炎及潰瘍並強化消化系統。

不過為左唔會令你仔仔腸胃唔適應, 記得要逐少逐少同佢加新糧, 唔好一次過轉哂呀~
我唔知道 Q-Pets 有冇得拎 sample, if yes 你可以去問下佢買少少野可唔可以比 1-2 包, 比你仔仔試下食唔食先買大包?

除左狗餅之外, 佢本身既護理都好緊要, 佢皮膚敏感既話就要更加 take care 佢既 skin problem, 有頭皮同身痕可以係生寄生蟲, 對某種物質敏感 (如拖地水, 清潔劑等等), 毛囊發炎都會令佢有咁既症狀, 記得轉埋呢隻糧之後都唔得就要再試下睇其他 vet 啦~ 仲有下面既建議:

1. 涼可以照沖, 但唔可以因為佢痕而沖得太密, 否則只會洗走埋佢表皮既油脂令佢更敏感;
2. 亦有可能係因為天氣乾燥, 咁就可以試下沖完涼後可以用少量 bb 油抹響佢面毛上面;
3. 梳多 d 毛, 咁可以連佢既頭皮都梳甩, 保持表皮清潔;
4. 睇過資料話比狗狗食魚油丸都有幫助, 不過呢個要問過 vet 先好比佢食喎~

希望你狗狗快 d 唔再身痕啦~ :)

如果食過好多隻防敏感糧都唔得,就好可能唔係對食物敏感,大可能是對環境敏感。
我隻史納莎女女一直醫生都話佢係食物敏感,轉食好多隻醫生配方既糧都唔得(一年都未好過),後來我將佢地間房大清潔(特別他們睡床),將所有雜物都清潔,依家好番晒喇!
注意所用的清潔液(拖地水)要係天然成份,因為一般買到的...都不合養寵物用的,會剌激會有過敏症狀出現。
祝狗狗早日康復!