狗仔经常吠,不知如何處理?

我用我既經驗教你一個方法，希望幫到你！

其實我一隻狗狗當你離家時佢會吠，相信主要原因都係因為佢得唔到佢想要既安全感，因為佢覺得可以依賴的你都離佢而去，o係佢驚慌既情況下所以吠，希望得到你既回應，回頭睇佢！或者你有冇留意佢，如果你回頭睇佢，佢會對你笑同埋搖尾呢？如果佢有，即係佢真係想你注意佢而吠。

我曾經教過一個朋友，每日早上早少少起身，扮出門口，出門前你要同狗狗講：我返工呀，你要乖乖，今晚我就返黎喇～跟住就出門口，如果聽到佢吠，唔好理佢，直至佢收聲，如果一直唔收聲，你就返入屋，俾小食／骨頭佢，再出門；出門前，開收音機佢聽！等佢聽到有其他聲而冇咁驚～如是者每次你出門同佢講野，過一陣之後再返入去望下佢，摸下佢，讚佢乖，獎勵佢，日子耐左佢就會知道你出去之後會返黎，仲會有野獎佢，咁佢就唔會再吠～～

我朋友試過用電帶，但我教佢呢個方法之後，一星期後狗狗已經冇再吠～你可以試下！當然每隻狗狗既情況都唔同，唔再吠的時間亦未必一樣，但我好希望你仍有耐性咁多ｄ同佢傾計，等佢明白！

我當我既貓狗好似人咁，成日同佢講野o架！而事實上我相信佢地會聽得明白！

祝你既寶貝早日變得乖乖！

ｐ．ｓ：我自己既狗狗都試過離開我一段時間（我去左旅行，狗狗去左朋友到暫住幾日）之後再返屋企，由吠變成唔吠，就因為佢知道我會返去揾佢，而家你將佢搬走了，可以既話你帶佢返黎，睇下情況有冇改善！

個問題會唔會係你根本冇時間比狗狗?? 佢吠係因為唔鍾意見倒你離開屋企, 因為唔鍾意你留低佢一個~?? 有冇試下同佢玩多 d, 抱佢多 d, 等佢唔再討厭你出去, 而調番轉係期待你番黎? 其實狗同細路仔一樣, 人見住媽咪出門口會喊, 係因為佢最信任既人離開佢既視線範圍, 佢冇左安全感好驚, 所以會喊同叫 "媽咪", 無奈狗狗講唔倒野, 佢只可以吠, 但你點可以因為咁而買電帶比佢?? 佢咁信你你竟然電佢??? 咩叫殘忍都係幾日, 你比自己最信任既人電你幾日, 你仲會唔會好似以前咁信佢同愛佢呢??

我響其他朋友既問題都提過幾次了, 狗吠係佢有野想講比你知, 你到底有冇了解過佢吠乜野呢, 就算佢真係比你電到怕左, 唔再吠, 你覺得佢仲會唔會開心?
教狗凡事好簡單, 站響狗狗既角度試諗下, 你就會明白~ think twice, please

我都有問過寵物店呀!無用ga!呢樣野係噤個類似遙控嘅野先會震ga!唔岩你出門口用ga!不過你唔怕殘忍嘅話可以試吓用電果隻,我以前試過俾我寶貝用好有效ga,不過好殘忍喎!當佢試過3-4次就會識驚!佢會試吓邊個音量先唔會電親,殘忍我相信都係幾日啫!可以一試嘅!價錢你$700左右啦!