新手養BB狗, 請指教

1+2.你最好當日立即帶佢比獸醫做個簡單檢查，睇下有無問題
打埋第一次防疫針，每隻狗狗在出生後要打3次，每次相隔一個月，其後要每年打一次
不過你想帶佢去沖涼既話要在帶佢去獸醫打針前進行，打左針三日內係唔可以沖涼的，因為有針口，濕水會發炎
如果隻狗狗生虱，你最好去寵物店比人幫你捉哂佢，費事帶d虱番屋企
同埋唔好去旺角果d寵物店做，好多呃人的，同埋如果佢地話幫你打防疫針的話，千萬唔好信!只有獸醫先可以幫狗狗進行防疫注射
3.睇書話一個月左右沖一次，寵物店通常會叫你一星期沖一次
我覺得隔2星期一次都得，因為沖得太密會令狗狗身上油脂流失，會出現皮膚問題，都時好煩
如果你少帶隻狗出街，咁可以一個月先沖一次
如果日日帶就可以密d，不過唔好密過一星期一次
你可以隔住自己沖同去寵物店沖，因為唔單止沖涼，你仲要幫佢清潔耳朵，剪指甲，擠肛門線等等，有時仲要同佢修下d毛，當然你可以幫佢做，不過需要一定的技巧
我比較懶，自己沖唔會同佢做呢d野，所以會等佢去寵物店果度沖涼時由d姐姐做
沖涼要用溫水，唔好太冷或太熱，一定要用寵物專用既沖涼液，沖完要即刻用風筒吹dry d毛，否則好易肺炎，天氣熱都要用風筒吹
4 bb狗要一日多餐，大約4餐左右，每次4份1個碗，6個月左右可以一日2餐，早晚一次，每次1/2碗，同埋狗狗未夠6個月要用水浸軟d糧先好食，否則會好難消化
成年(一歲)可以一日一餐，每次一碗左右，狗狗最好餵乾狗糧，有好多人食既野狗狗係唔食得的，唔好亂比人食既野狗食，會中毒的
5 你可以問下寵物店史納莎用咩梳梳毛，因為唔同種既狗要用唔同既梳梳
6 你隨時可以同佢刷，為既係等佢習慣要刷牙
7 打哂3支防疫針+瘋狗症針就可以帶落街了
8 瘋狗症針時會同時植晶片，植晶片=領狗牌

除此之外你要預備個籠/圍欄比佢，初期要限制佢活動範圍，bb狗換牙，牙痕乜都咬，最好預備d玩具/潔齒骨比佢咬
又要教佢去toilet，好多野都要教，你最好買本書睇下，否則細個教唔好，佢會好naughty

1.一定吾好去出面沖涼丫!好易會有第2 D病架!系一定吾好添AR!
2.要打埋第1支針!!之後BOOK 期打之後D 針 買埋防心絲蟲約'
3.甘細個吾好同佢用水沖住!會凍死!同佢乾洗...有D 洗身粉買架出面..
4.同人一樣嗡都系'你開餐佢都開餐'要準時'吾系既話會亂晒大龍
5.有一D系SET甘買架..果一SET就得架喇'我都有一SET SELL $ 80 ..我買左
6.俾牙膠佢食都幾OK架..我隻狗都系甘..
7.打齊針先可落街..吾系超易病..最好都系入左晶片先..
8.去PET SHOP 到 入晶片 THEN 佢會問你洗5洗領狗牌架..佢冇問你問佢...

打齊針後..帶多D佢出街..甘先吾會怕人架..吾系既話會好惡!

no. 1 + 3 + 7. : 狗狗得兩個月而且未打過針, 唔好帶佢去寵物店呀, 果度其實有好多細菌架, 佢而家抵抗力好低, 一個唔好彩感染倒狗 b 就麻煩啦; 呢幾日天氣凍, 唔好同佢沖涼住, 用濕棉花同佢抹左 d 烏漬先, 等禮拜中先好用濕毛巾同佢抹身, 之後用風筒即刻吹乾; 打齊 3 針之後就可以同狗 b 落街 & 沖涼, 不過要小心佢行街時唔好周圍食垃圾 (狗狗好鍾意咁的, 明明屋企大把野食響街度見倒 d 垃圾都會覺得執倒寶咁 =.=), 同埋一定一定唔好放開繩等佢自己跑, 好多人以為叫得聽隻狗 / 果度冇車唔會車親既, 但意外就往往係隻狗叫唔聽走失左 / 佢跑左出馬路... 沖涼方面可以去 pet shop 買 dog shampoo, 有 d for 杜虱, 有 d for sensitive skin, 睇番你狗狗當時既情形黎決定買邊隻啦, 水溫比 "暖" 再熱番少少, 你覺得沖落去舒服, 唔太凍/熱就 ok~

2 + 8. : 狗 b 6-8 個 wks 大就可以打第 1 針, 去到 vet 度佢會幫狗狗做簡單既 body check, 你要留意佢有冇任何唔舒服, 包括痾嘔/唔精神等, 因為如果佢本身有病係唔可以打針住架~ 仲要同佢杜虱/杜蟲, frontline 有隻係 for 5-10kgs 既, 你問下 vet 可唔可以用呢隻 (因為我唔 sure 兩個月大史納莎有幾重), 杜蟲藥可以叫 vet 幫你餵埋, 佢地唔駛 1 min 就攪掂~
到狗 b 5-6 個月大就要去政府狗房拎狗牌 + 植晶片 + 打瘋狗針, 狗牌只係填張 form 申請就 ok~ 晶片同針其實可以去 vet 度做, 但會收貴少少~

4. : 兩個月大一日應餵 3-4 餐, 一次過唔好餵太飽, 好多狗 b 都係唔知飽架~ 佢應該已經有哂牙仔, 可以就咁比 bb 餅佢食, 唔駛浸; 而咩時間餵呢就要就番你自己既生活, set 一個時間表比佢食野/玩/訓, 以後就跟呢個~

5. : 我個人鍾意用扁梳多 d, 因為佢可以梳得細緻 d, 連根位都去倒, 要黎解打左結既毛球都 ok~ 不過你可以問下 pet shop 既人邊隻 arm 史納莎多 d;

6. : 狗狗 4-5 月會換牙, 你可以等佢換左牙先開始同佢刷牙 (用鹽水刷已經 ok), 而響佢出牙仔果段時間會好牙痕, 買 d 骨頭仔比佢咬止下痕啦~

記得唔好比狗 b 凍親, 比張床仔佢訓, 必要時可以買 d 衫仔比佢, 一定要有水供應, 唔好比太多 snacks~
聽講史納莎比較易有毛 x ("狼") 蟲既皮膚問題, 一定要 keep 住佢清潔~

1. 接狗狗果日可以去petshop沖涼, 但建議觀察兩三日先去睇醫生, 因為有d咩都可以同醫生講埋! 沖涼時可以同petshop講狗狗生蚤, 你可以買支frontline幫佢噴, 防蚤及牛啤, 因為蚤都好易傳染細菌, 你要幫佢處理咗先
2 如果狗狗無咳嗽或病既症狀, 當然打埋預防針及植晶片啦, 所以建議你觀察下佢有無唔妥先去睇醫生, 另外可以配埋杜虫葯, 因為狗bb每個月都要杜虫架
3 狗bb兩星期沖一次涼就ok, 自己沖就安全d, 因為無菌嘛, 最重要沖得乾淨及沖完後立即吹乾肚仔位, 但你未幫狗狗沖過, 我驚你雞手鴨腳, 帶比petshop沖啦, 有好多petshop都無賣狗, 我建議就去qpet及紅蘿白, 寵物城沖, 貴就貴少少, 但佢地見係狗bb會立即幫你沖及叫你立即帶佢走架, 自己沖的話, 就用暖至熱水幫佢沖就ok喇
4 bb狗應該一日食四餐, 唔得的話都要兩至三餐, 浸淋狗餅及加雞肉碎佢食, 平均一餐就一隻八吋平碟就ok, 慢慢加添份量, 早午晚各一餐就ok喇! 因為bb狗要少食多餐等佢易吸收, 六個月大後就可以食成犬糧, 加肉比佢係等佢抵抗力好d
5 史立沙應該用針梳及蚤梳, 針梳係幫佢梳長毛位, 蚤梳係幫佢梳咀既位置, 可以梳咗d眼屎及污糟野出黎!
6 六個月左右就開始換牙架喇, 你可以幫佢刷牙及買潔齒骨幫佢清潔
7 齊針就可以去街街喇, 六個月應該齊針架喇!
8 盡主人責任當然要幫佢取狗牌啦, 去漁農處攞就得, 但要打咗瘋狗症針先可以攞架

仲有要係六個月大前幫佢做心絲虫預防, 咁就唔洗驗都可以食葯或打針, 過左六個月先做就要幫佢驗血先可以做心絲虫預防, 另外每個月都要幫佢滴revolution或frontline防蚤及牛啤!