餵狗仔食藥既方法

狗就好似小朋友咁，唔知道食藥個病就會好，所以要用啲方法呃佢。
我試過用少少麵包（四方的麥包，因為白麵包冇咁健康）襟扁成好似紙咁，把藥丸包住，再在外面塗花生醬，因為花生醬的香味很濃，所以佢唔會聞到藥味。如果藥丸太大粒，便切細粒啲分幾次包。試下啦。
如果是膠囊，我會拆開倒啲藥粉出來，撈在麥皮內（即沖麥皮，當然係原味，冇糖冇奶架啦）攪勻佢（粉未要溶晒的），然後再撈佢中意食的東西如雞肉、牛肉或小食…睇下佢食唔食。
希望你成功，狗狗早日康復啦。

我會o甘餵我隻狗仔食藥:
首先要撐大佢個口.
藥丸放入喉嚨,記得要放得入d, 令佢唔可以吐返出來, 佢就會乖乖o地吞下去.
藥水用針筒打入去佢個口俾佢飲.針筒要放入喉嚨.記得要放得入d.而後一o即
放好藥之後就要快手捉住佢個咀,"噩"高佢個頭. 掃掃喉嚨. 攪掂.~
之後就俾d小食佢食. 就好似我o地飲完苦茶之後要食d甜o野送一樣.但如果佢腸胃唔好o既話就唔好俾.
希望幫到你.

狗既味覺冇嗅覺咁發達, 所以如果可以成功呃倒佢個鼻就冇問題啦~
我以前隻狗都可以聞得出食物入面有粒藥 (其實我諗冇乜狗會聞唔出..), 佢當然唔肯食啦, 咁我會特登響佢面前拎番粒藥出黎, 只要果舊食物唔係痴左好多藥粉 (唔係膠囊果 d, 濕水會溶), 佢都會肯照食; 咁之後呢我就再比幾舊冇藥既食物佢 (通常係 can food, 因為多汁, 味重 d), 食左幾舊之後又試下將粒藥夾響食物度, 通常佢食幾粒 "冇料到" 既食物之後就唔會察覺到跟住果舊原來係包住粒藥既, 咁佢就好自然乖乖食左粒藥, 再比多 2-3 舊食物佢扮冇野發生過 (唔好讚佢, 因為你要呃佢丫嘛)~ 攪掂~!!

如果你隻狗仍然係聞得出, 就要將粒藥分幾份, 即係要分多幾次去呃佢囉~

你千祈唔好再迫佢食藥, 你咁做佢會以為見親你想行埋去都係餵藥, 見倒你就走果時你仲心痛! 一陣佢唔覺得意再整倒兩隻後腳就更加麻煩啦~ 趁一有時間同佢講多 d 野, 摸佢多 d, 多 d 陪佢等佢同你之間信任重新建立番先啦~ 只要你唔係 hurt 得佢好利害, 佢都唔會記好耐既者, 放心~

你試下唔好夾連埋d野食比佢食~
你試下將粒藥塞入一d食物度,等佢睇唔到,d食物又可以隔住d藥味~
我隻狗之前都係好似你隻狗咁,又係後腳有事,d藥我都係咁比佢食嫁~
你試下呢個方法啦~
希望你隻狗盡快康復!!

2007-01-05 13:46:50 補充：
你試下唔好夾連埋d野食比佢食~你試下將粒藥塞入一d食物度,等佢睇唔到,d食物又可以隔住d藥味~我隻狗之前都係好似你隻狗咁,又係後腳有事,d藥我都係咁比佢食嫁~你試下呢個方法啦~希望你隻狗盡快康復!!

我喂dog食藥,是在超市買一粒粒芝土,細細粒有牛頭個隻,
放粒藥在中間給我的dog食,次次都得喎.
因為d狗大多數都喜歡食芝土,
你試吓睇吓得唔得,希望幫到你.

狗狗一定不喜歡食藥, 所以一定迫它食, 方法很簡單 :
先把它的口將開, 把藥放在舌中間, 然後強把口合埋, 最後用手捉著它的口部及用手輕輕蓋著它的鼻, 只要當它的舌頭舐它的鼻子時,自然會把藥丸食了.

唔, 佢梗係由細到大都唔係好食葯喇! 我以前會扮晒野問狗狗食唔食粒粒, 粒粒既意思係零食, 佢地一聽到粒粒或條條兩個字就好興奮, 我比完一粒零食, 就餵一粒葯丸, 之後再比一粒零食, 佢地完全察覺唔到係葯黎架, 一見到我拎粒狀野就好開心咁撲埋黎! 你越迫佢佢越反抗架!

而定你個環境, 應該中碎粒葯撈落罐頭到, 用狗罐頭既香味遮蓋葯味, 唔得的話, 就扮晒嘢, 你係到食生果, 比d佢食, 手掌收埋粒葯, 等佢開口時將生果連葯一起塞入佢個口, 演技要做得好好, 狗狗係嗅覺勁過味覺, 你如果可以等佢聞都唔聞就塞入佢個口, 咁就掂架喇! 不過記住等佢食咗兩三啖生果先好塞葯喎, 如果你第一次塞生果比佢, 佢可能會吐出黎聞下或聞下先食架