全港最好的獸醫診所 (15分 急!!!)

其實要睇你住邊區. 最出名的當然係做獸醫做到發達的麥子健醫生啦, 即太平道獸醫診所, 果度的設備好齊, 仲有磁力共震, 我好多朋友都說佢好, 但我未睇過.
我自己睇開荃灣的享和獸醫診所, 我覺得真係好好. 因個醫生好有心機咁睇, 睇我隻狗, 睇左成半個鐘頭, 解釋得好詳細, 令主人都學到野. 雖然收費較貴, 但可以好放心.
有一次, 我的狗咀邊有粒色肉, 我問佢可唔可以整走佢, 醫生很快手地摸了一下, 就整走左, 我隻狗叫都冇叫一聲, 我真係覺得醫生好犀利.
有一次, 我另一隻狗有咳, 貪平帶左去屯門的東方獸醫診所同隻狗做body check. 個黃綠話我隻狗好健康, 咳是因為太多牙石, 影響到氣管. 我問佢呢隻狗的哥哥有心臟病, 呢隻狗會唔會都有, 佢說冇, 仲開左d藥比我隻狗, 食完可返來洗牙($900). 之後我去問非牟利獸醫診所, 洗牙只需360, 我就book左去果邊睇, 點知我去到, 醫生說我隻狗有嚴重心臟病, 唔可以麻醉, 我說我去完東方, 話我隻狗好好, 冇事. 醫生當堂眉頭一奏, 問我仲有冇睇開邊間, 我說另一隻狗係去享和睇的, 不過今次係貪平先去東方. 醫生說享和那間是"挺厲害的" (用國語). 我回想, 如果帶左隻狗去東方洗牙, 可能狗已經死左, 真係pk!!!
於是我去返享和睇, 醫生都係好仔細地睇, 仲同我解釋得好清楚, 做埋x光, 超聲波同心電圖, 收1700蚊, 我覺好抵, 因為佢真係識醫, 比多d都係抵.
我家姐的狗都係去開東方, 個黃綠成日話佢隻狗冇事, 點知在我的狗比東方斷錯症後, 佢都帶左自己的狗去睇享和, 醫生一睇, 就知隻狗有咩問題, 亦看了45分鐘左右, 都係收左400幾, 應貴就貴, 應平就平, 真係好醫生.
d姑娘都好好, 我隻狗好驚青, 咬左佢一淡, 佢好專業地安慰我隻狗, 狗狗在佢的懷抱中慢慢定下來, 仲舔返姑娘, 同姑娘好friend.
外國人唔一定會好d, 亞洲人醫生都可以好好. 自己經驗覺得享和真係好, 尤其係睇老狗, 佢地好有心機. 最後一句, 就係千祈唔好去東方

我不知道哪家好,只是提醒有貓的主人小心 "動物醫療中心". 我的異國短毛前天出現吐白水,拒絕進食的問題,進到 "動物醫療中心", 醫生好不猶豫做了血檢,X-Ray,超聲波,然後懷疑腸子裡有異物,開肚,縫合.打電話給我說"什麼都沒有", "一切正常". 到現在 一萬元 付出去了,我還不知道我的貓到底什麼問題,會不會好. 然後醫生告訴我:有時貓自己就會好起來的...." 我想說: 庸醫!!!!

我想問你指好個間係邊一間呢(因為享和有二間)?

荃灣

城市獸醫動物診所
荃灣享和街 49 號都城大廈 D2 室
24142525
緊急：71128881 a/c 651

荃灣獸醫診所
荃灣享和街 57 號都城大樓 G 舖地下
24056700
緊急：24056704

THX!!!

跑馬地Dr Eric's Animal Clinic，荃灣、將軍澳都有分店，你可以打去check吓Dr Eric喺邊喥先。我隻小狗由細到大都係睇佢的。雖然唔係外國人，但佢好細心同好為隻動物著想，唔係淨係會問你攞錢。我之前隻小狗就喺比北角一個無良外籍獸醫醫死，所以，你一定要去D有口碑的獸醫呀，因為動物唔識講嘢，佢話唔到你知究竟自己有乜事。

太平道寵物診所係全香港設備最齊全既 animals clinic, 符合哂你 "設備完善,設有24小時急診,留醫亦24小時有醫生照顧,有如人的醫院" 既要求; 但至於最好既 vet, 就未必會響同一間 clinic 出現, 其實點先係一個好既 vet 呢? 個人都會認為係唔拖症, 肯耐心解釋病情/療情, 有愛心, 當然仲有斷症準啦! touch wood 我 d 貓狗唔駛睇好多次 vet, 睇過加埋都唔超過 5 個, 但我最欣賞同信任既會係旺角梭椏道既 Dr. Tint, 佢間 clinic 雖然唔夠太平道大規模, 但我佩服佢既專業; 響我 d 貓狗未係佢 patient 之前, 有一次我夜晚 8 點幾 (佢地已 closed) 敲佢個鐵閘拎住張 x-ray film 問佢野, 佢都肯花半個鐘慢慢研究同埋答我既問題! 所以每當有朋友問我邊個 vet 好, 我都會 recommend Dr. Tint :)

我既建議係, 如果隻貓狗唔係嚴重到要照 x-ray or even MRI, Dr. Tint 會係一個好好既選擇 (唔係佢能力問題, 只係設備唔夠)~ 比埋佢既電話你啦 27609663

至於係咪外籍 vet 好 d, 我既答案一定係 "NO!!!"
我之前隻狗差 d 就比一個外國人 vet 害死... 唔係, 係慘過死! 專業/有醫德與否唔關國藉事既, 只不過香港大部份 vet 都係外國人者~

太平道寵物診所(九龍太平道9號地下)有晒你以上的要求。
請注意那裡有很多駐診醫生，各自負責不同的專科，例如神經科、眼科等…要睇啱醫生先好。另外亦都係全港唯一一間有磁力共振設備的。