點解佢會咁嘅?

你鍾唔鍾意俾人綁住先?
狗其實都唔鍾意,特別係自小就唔綁,自由慣既,當然就更加唔適應啦,講真,我都想盡量唔好綁住自己既狗(養得佢,就應該當佢係一家人,盡量令佢開心),但係礙於個社區係大家既,要尊重其他人既感受(有D人真係好怕狗,雖然你話你隻狗好nice),所以如果出街,係一定要綁既.
其實狗既習慣係需要訓練既,佢習慣左綁住出街,就會覺得綁住出街先係o岩既(通常三幾次就會習慣).咁你要點訓練佢呢?如果佢鍾意食野,咁你響綁好之後,俾野佢食,如果佢鍾意人讚,咁你響綁好之後,就要讚佢,要好認為咁讚,如果佢鍾意人錫,咁你綁好之後,就要錫佢,同埋呢D動作要連貫,例如:綁,食野,然後出街,幾次之後佢就會習慣呢一連串既活動,咁就OK架啦.

我相信你隻狗係bb又或者係第一次帶狗帶~如果係既以上你講既行為都係正常既,因為佢地未試過帶唔知係咩黎,所以會咁,解決方法係係屋企帶住等佢慢慢習慣!

如果唔係bb仔,而係好一段時間都係咁既,佢應該係反叛行為,呢d情況就要接受training!

你之前有冇試過用狗帶縛完佢之後困住佢, 帶佢去睇醫生或者做其他野, 令佢有唔開心/驚既回憶? 通常如果狗抗拒任何一樣舉動都係因為之前有 bad memory, 令佢之後對呢樣野反感; 縛住佢之後如果佢唔肯行就唔應該夾硬拖佢行, 咁只會令佢更加驚比你縛狗帶, 你可以試下縛住條狗帶之後由佢響屋入面行, 等佢可以接受縛狗帶呢個動作之後慢慢嘗試拖佢出門口, 到佢肯行出門口就要 tum 佢繼續行 (唔係迫佢), 如果唔係就前功盡廢架啦~ 到佢肯落街果一刻要即刻摸下佢個頭, 讚下佢, 咁佢就唔會再怕縛狗帶去街呢個舉動啦~

我以前養過一隻混種狗, 某一晚同佢落街佢比隻洛威咬, 直頭係咬住佢條頸係咁 fing, 個狗主係個超不負責任既 pk, 由得隻咁惡既狗周圍行, 到隻洛威終於放口, 我隻狗就一支箭咁衝番屋企 (我連佢條狗繩都捉唔住), 條頸仲係咁流血... 自此以後佢都唔肯再落街, 因為呢個經歷已經刻左落佢個腦度... 一見倒條狗繩佢就走 (連縛都唔肯), 點 tum 都冇用; 我知道呢件事對佢打擊好大, 之後我都冇再迫佢了...

小狗大多出街時用狗帶,牠會怕.恐懼等反應.之前我的ling ling(狗)也是這樣,現已6歲了,牠出街已不怕用狗帶,但一話用口罩,牠就定定地行,到真的用口罩了,牠便一樣坐在地上,行都唔行了,因為牠怕瘀,怕人笑佢囉!
若你的狗用狗帶而不行,你大可一邊用狗帶,一邊用手輕輕傍著牠行,當牠適應了便不怕了.
所有狗都鍾意出街,在出街前拿著狗帶,同牠講去街街....等牠知道去街前必須用狗帶